«Музыка өнердің ең әсем, ең құдіретті және ең жандысы» (Гектор Берлиоз). Біздің университетте еліміздің бас оркестрі концертінің өткізілуі бұл сөздердің кезекті дәлелі болды.
Құрманғазы атындағы қазақ мемлекеттік академиялық халық аспаптары оркестрі – академик Ахмет Жұбанов негізін қалаған 83 жылдық тарихы бар Қазақстан музыка өнерінің тарихындағы алғашқы бірегей оркестр. Құрамында 75 музыкант, репертуарында 4000 туынды бар. Университетіміздегі ұжым концерті ЖОО тарихындағы ең жарқын оқиғалардың біріне айналды.
Алматыдан келген қонақтарды университет студенттері мен қызметкерлері ду қол шапалақпен қарсы алды. Оркестр мен әртістер орындауындағы әлемдік және қазақ классикалық музыка жауһарлары, заманауи туындылар келген әр көрермен көңілінен шықты.
