«Ауыл шаруашылығы саласындағы білікті кадрлар даярлау шарты ретінде М. Қозыбаев атынддағы СҚМУ, бизнес және жергілікті атқарушы органдардың әлеуметтік әріптестігі» атты дөңгелек үстел өтті.
Жұмыс берушілер білікті кадрларды даярлау сапасына мүдделі. Сондықтан, бірнеше жыл олар білім беру үрдісіне белсенді түрде қатысады. Бұл жолы дөңгелек үстел басына аймақтың ауыл шаруашылық кәсіпорындары басшылары жиналды. Өз ұсыныстарын олар ректор және ауыл шаруашылығы кафедрасы алдында ортаға салды.
Агро-өнеркәсіптік кешен өкілдерінің тілектері бірауыздан шықты – кәсіпкерлер студенттердің практикалық сабақтар сағаттарының санын ұлғайтуды сұрайды. Осыны ескере отырып, ауыл шаруашылығы кафедрасы шаралар қолданды – 3 мамандық негізінде жұмысы қосарлы оқытуға бағытталатын 7 бөлімше құрылды.
Жұмысшы кадрлардың жетіспеушілік мәселесі өзекті болып тұр. «Арқалық» ЖШС директоры Барлубаев Нағашыбай айтқандай: «Біз жақсы техникалық жарақтандыруға қол жеткіздік, бірақ онымен жұмыс істейтін адам жоқ».
Өз кезегінде, Солтүстік Қазақстан мал шаруашылығы және өсімдік шаруашылығы ғылыми-зерттеу институтының бас директоры, Аюп Ысқақов, өндірістік ғана емес, ғылыми кадрларды даярлауға мүдделі.
Кездесу қорытындысында университет, кәсіпорындар және Солтүстік Қазақстан облысының кәсіпкерлер палатасы арасындағы әлеуметтік әріптестік туралы 2 жақты келісімшартқа қол қойылды.
