Университетіміздің акт залында "Жасыл ел" еңбек маусымының салтанатты жабылу рәсімі өтті. Жемісті жұмыстарының қорытындысын шығару мақсатында Солтүстік Қазақстан облыстық штаб жауынгерлері жиналды.
Жауынгерлердің еңбек маусымы сәуірден қазанға дейін созылады. Көгалдандыру және аумақтарды жақсарту – балалардың негізгі міндеті. Осы жолы жауынгерлер 2000 ағаш отырғызып, 400 га жуық жер өңдеді.
"Жасыл ел" республикалық бастамасының Солтүстік Қазақстан облыстық филиалы қатарында облыстың 3 қала кәсіпорындары және 12 орман шаруашылықтары бойынша бөлінген 29 еңбек жасақтары бар. Барлығы - 435 адам. Жастар жасы 16-дан 29-ға дейін.
Солтүстік Қазақстан штаб жауынгерлерінің үштен бірі – университетіміздің студенттері. Солардың бірі – Жанат Әшімов, ол жобада 5 жыл жұмыс істеуде. Маусым қорытындысы бойынша оның басшылығындағы жасақ ең үздік болып танылды.
Еңбек маусымының"Үздік жауынгер" атағы да біздің университет студенті Дәулет Хамитовке берілді.
Дәулет Хамитов – "Жасыл ел" жауынгері:
""Жасыл ел" еңбек жасақтарында мен жазғы демалыс кезінде жұмыс істеймін. Жауынгерлер қатарында болғанымды мақтан тұтамын. "Жасыл ел" жастардың патриоттық сезімін оятады, қоршаған ортаға деген қамқорлыққа тәрбиелеп, еңбек сүйгіштікке дағдыландырады. Сондай-ақ, "Жасыл ел" - бұл ақша және жаңа достар табу мүмкіндігі".
Іс-шарада біздің өңірдегі жоба идеяларын алға бастырып қолдайтын журналистер, орман шаруашылығы қызметкерлері, қоғам қайраткерлеріне және т. б. алғыс айтылды. Марапаттау рәсімі университет шығармашылық ұжымдарының қатысуымен өткізілген концертпен жалғасты.