«Тұрақты ғылыми-технологиялық даму: трендтер және технологиялар». Осындай тақырыпта университетте профессорлық-оқытушылар құрамы мен инженер-техникалық факультет студенттері, сонымен қатар аймақтың машина жасау кәсіпорындары өкілдерінің қатысуымен ғылыми-тәжірибелік конференция өтті. Конференцияны ЖОО ректоры Серік Өмірбаев ашты.
Инженер-техникалық факультеті кадрлар жеткізушісі ғана емес, келешегі бар ғылыми орталық болып табылады. Оның негізінде одан әрі өндіріске енгізілетін инновациялық жобалар әзірленеді.
Конференция пікір және тәжірибе алмасу орталығына айналды. «ЗИКСТО» АҚ және «Диқаншы» ЖШС қызметкерлері кәсіпорындарда қолданылатын заманауи техникалық жабдықтандыру мен жаңа технологиялар туралы, университет өкілдері өз кезегінде ғылыми зерттеулері туралы сөз сөйледі.
Конференцияда ұсынылған идеялар өз практикалық қолданысын тауып, аймақтың индустриалық дамуына үлес қосатынына үміттенеміз.