Солтүстік Қазақстан облысына Семей және Көкшетау қалалары Назарбаев зияткерлік мектептерінің оқушылары келді. Сапар барысында олар аймағымыздың тарихы және мәдениетімен, сонымен қатар, қаланың заманауи өмірімен танысты. Жас қонақтар біздің университетке де келді.
Назарбаев зияткерлік мектебі Солтүстік Қазақстанда 2 жыл жұмыс істеуде. Қазір мектептің бірнеше оқушылары Семей қаласында экспедицияда, ал олардың семейлік жастастары мен Көкшетаудың жас тұрғындары біздің Петропавл қаласына келді. Айырбастау бағыттары «Туған жерге тағзым» жобасы аясында жүзеге асырылады. Жоба оқушылардың отанға деген сүйіспеншілігін қалыптастырып, отаншылдық сезімін күшейтуге шақырады. НЗМ оқушылары үшін әр аймақ – ғылыми зерттеулер нысаны.
Айнаш Рамазанова - педагог-ұйымдастырушы, НЗМ кураторы, Петропавл қ.: «Петропавлға барлығы 26 оқушылар келді. Олардың ғылыми жобаларының тақырыптары азды көпті біздің аймақпен байланысты. Мысалы, бұл Мағжан Жұмабаев, Шоқан Уәлиханов шығармашылығы, Абылай хан өмірі және т.б. М. Қозыбаев атындағы СҚМУ оқытушылары оларға ғылыми ізденісте көмектесіп, бағыт және кеңестер береді деп ойлаймын».
Жас зерттеушілердің университетпен танысуы мұражайдан басталды. Балаларға ЖОО тарихы, көрнекті ғалымдары мен жетістіктері туралы баяндалды. Сонымен бірге университет бойынша экскурсия обсерваторияны, спорттық-жүзу бассейн кешенін және ғылыми зертханаларды аралауды қамтыды. Семей және Көкшетау қонақтары педагогика факультетінде өткізілген «Балаға қуаныш сыйла» қайырымдық акциясына қатыса алды.
