2016 жылдың 28-29 қазан күндері «Қазақстан халық ассамблеясы» кафедрасы және «СҚО білім басқармасы» ММ ұйымдастырған Солтүстік Қазақстан облысының 80 жылдығына арналған «Көшелер мен елді мекендер, ғимараттар, мемориалдар мен ескерткіштер атауларындағы әйгілі жерлестер» атты жобалар байқауының қорытындылары шығарылды (Хаттама).
Бұл байқау туған жер мен ел дамуына үлес қосқан жерлестердің өмірі мен қызметін зерттеу негізінде студенттер мен оқушылар арасында қазақстандық отаншылдықты қалыптастыруға бағытталған.
Байқауға 83 адам қатысты: 11 студент пен 72 мектеп және колледж оқушылары (М. Қозыбаев атындағы СҚМУ мен А. Мырзахмет атындағы Көкшетау университетінің студенттері; Петропавл темір жол көлігі колледжі, Петропавл қаласының 42 мектебі және СҚО 9 ауданының: Қызылжар, Есіл, Уәлихан, Шал ақын, мамлют, Жамбыл, Айыртау, М. Жұмабаев, Ғ. Мүсірепов оқушылары). Байқауда 73 жоба ұсынылды (10 – студенттік және 63 – мектептік).
Жұмыстарда жерлестеріміз арасындағы отан қорғаушылары (батырлар, Ұлы Отан соғысы қатысушылары, жауынгер-интернационалисттер), мемлекет және қоғам қайраткерлері, еңбек ерлері, өндіріс озаттары, бірінші тың игерушілер, жазушылар, ақындар, журналистер, ғалымдар, мұғалімдер, ғарышкерлер, спортшылар туралы баяндалды.
Жобаларда жерлестер-Кеңес Одағының батырлары туралы материалдар ұсынылды – Позолотин Т.С., Қизатов Ж.К., Әбу Досмұхамбетов, Гуденко С.Г., Бережной И.М, ғарышкер Шаталов В.А., еңбек ері Шайкин Е.Ш., ақындар мен жазушылар - Шал ақын, Қожаберген жырау, М. Жұмабаев, С. Мұқанов, Г. Мүсірепов, спортшы - А. Винокуров.
Сонымен қатар, Батыр Баян, М. Қозыбаев атындағы СҚМУ-дың бірінші проректоры Сим Ф.А., ауған жауынгері Петрушин В.Б., совхоз директоры Шоль И.К., агроном Каргин В.П., 1920 жылдар басындағы комиссар Завьялов В.М., жазушылар – Г. Бельгер, Т.К. Кенжетаев туралы жұмыстар қызығушылық тудырды.
Жеңімпаздарды марапаттау уақыты мен орны туралы қосымша ақпарат беріледі.
М. Қозыбаев атындағы СҚМУ-дың «Қазақстан халық ассамблеясы» кафедрасы
8 (7152) 49-40-74, 8 (7152) 49-40-42, қос.12-55