2016 жылдың 4 қараша күні «Қазақстан халқы ассамблеясы» кафедрасы 2011-2020 жылдарға арналған Қазақстан Республикасындағы тілдердің даму және қолдану мемлекеттік бағдарламасын іске асыруы аясында «Организация внеклассной работы, направленной на формирование интереса к полиязычию» атты ғылыми-әдістемелік семинар өткізді.
Семинар жұмысына "СҚО әкімдігінің тілдерді дамыту жөніндегі басқармасы" КММ мамандары, Солтүстік Қазақстан облыстық Қазақстан халық ассамблеясы өкілдері, №17 ұлттық өркендеу орта мектеп-кешенінің ана тілдері мұғалімдері мен Петропавл қ. мектептерінің тілтанушы-мұғалімдері, университеттің профессорлық-оқытушылар құрамы, қызметкерлері мен студенттері қатысты.
"Семинарда сөз сөйлеушілермен (Гривенная Л. А. – "Қазақстан халқы ассамблеясы" кафедрасының меңгерушісі, Сұлтанов Е. Р. – "СҚО әкімдігінің тілдерді дамыту жөніндегі басқармасы" КММ ономастика бөлімінің жетекшісі, Иманов А. К. – "Педагогика және психология" кафедрасының меңгерушісі, Кавун Н.П. – «№17 ұлттық өркендеу ОМ-кешені" КММ неміс бөлімшесінің мұғалімі, Калганова Е. А. – академиялық ұтқырлық және көптілді білім беру бөлімінің жетекшісі, Бейсенбаева А. С. – Тіл және әдебиет институтының директоры орынбасары) келесі мәселелер қарастырылды: "ҚР Тіл саясаты - бірігу негізі және Қазақстанның әлемдік қоғамдастықпен бірігу жолы", "СҚО-да үш тілдің тұтастылығын жүзеге асыру", "№17 ҰӨОМК-нің ұлттық бөлімшелеріндегі көптілділікке қызығушылықты қалыптастыру бойынша сыныптан тыс жұмыс", "Тәрбие жұмысындағы көптілді амалды қолдану практикасында этнопедагогика идеяларын жүзеге асыру", "Үш тілдік білім беру: жағдайы және М. Қозыбаев атындағы СҚМУ-дағы даму келешегі", "ЖОО-да студенттердің көптілдікке деген қызыушылығын дамыту бойынша тәрбие жұмысын ұйымдастыру».
Семинар жұмысы барысында Қазақстан халық ассамблеясы" кафедрасы ғылыми-әдістемелік бірлестігінің мүшелерімен (Ахметова Т. А., Табакова З. П., Штро О. Г., Тябус М. А.) әзірленген "Полиязычие как основа стабильности и развития казахстанского общества" әдістемелік құралы таныстырылған болатын.
5 тілді меңгеру сырларымен бөліскен "полиглоттар" - университет студенттер мен қызметкерлерінің (Арыстан А. Ш. – академиялық ұтқырлық және көптілді білім беру бөлімінің маманы, Назаренко А., Мехтиева А. – "Аударма ісі" мамандығының студенттері, ПД-13 тобы) сөз сөйлеулері ерекше қызығушылық тудырды.
Семинар барысында келесі ұсынымдар берілді:
- тілдерді оқытудағы заманауи әдістерді қолдану;
- көптілдікке қызығушылықты дамыту бойынша сыныптан/оқудан тыс жұмыс түрлерін кеңейту;
- балаларды ана тіліне деген сүйіспеншілікке дағдыландыру сұрақтары бойынша ата-аналармен жұмыс жүргізу;
- Петропавл қаласының оқушыларын ана тілін оқуға №17 ҰӨОМК-те оқыту арқылы тарту;
- талапкерлерді тілдерді «Foundation» факультетінде оқу және оларды кәсіби бағытталған жұмыс аясындағы М. Қозыбаев атындағы СҚМУ-дың көптілді топтарында жетілдіру мүмкіндіктерімен таныстыру;
- халықты БАҚ-та Петропавл қаласында және СҚО-да тілдерді оқу бойынша орталықтардың ашылуы туралы ақпараттандыру.
