Дәстүр бойынша, 9 Мамыр қарсанында, М.Қозыбаев атындағы СҚМУ әскери кафедрасының студенттері университеттің бас алаңында Ұлы Отан соғыс және еңбек ардагерлері, оқытушылар мен студенттер алдында өз жауынгерлік шеберліктерін көрсетті.
Осы іс-шара біздің еліміздің тарихындағы екі атаулы оқиғаға арналған болатын – Жеңіс күні мен ҚР Қарулы күштері күніне. Бийылдан бастап 7 мамыр мемлекеттік мереке ретінде аталып өтетін болады.
Құттықтау сөзінде М.Қозыбаев атындағы СҚМУ ректоры О.Әшімов Ұлы Жеңіс мерекесінің маңыздылығын айтып өтті. Соғыс ардагерлері мен тыл қызметкерлеріне зор денсаулық тілеп, олардың жасаған ерліктері үшін шың жүректен өз алғысын білдірді.
— Жеңіс мерекесін біз ерекше сезіммен қарсы аламыз. Бұл бүгінгі ұрпақтың есінде қалатын ұлы күн Сіздердің аттарыңызбен байланысты, — деді ректор өз сөзінде.
Қоғамдық ғылымдар оқытушысы, ҰОС еңбек ардагері Вячеслав Окружков осындай іс –шараларға үнемі қатысып отырады. Ауыр соғыс күндерін есіне алып, бүгінгі жастар талай қиыншылықты басынан өткерген ата-бабаларын әрқашанда естерінде сақтап, мақтаныш ететіндеріне сенім білдірді.
Салтанатты шеруге университеттің әскери кафедрасының 11 взвод курсанттары қатысты. Игорь Здорнов үшін бұл шеру ерекше. Ол Әскери қарауыл құрамында ҚР Мемлекеттік Туын енгізді.
— Мен үшін бұл мереке өте маңызды. Себебі менің атам да соғыс ардагері болған, осыдан 68 жыл бұрын өз қаңы мен терін Отан үшін төккен, — дейді Игорь.
Бұл күні алғыс сөздер университеттің шығармашылық топтарының орындалуындағы музыкалық нөмірлерден де байқалды.
