Қараша айының 17-18 күндері Алматы қаласында Қазақстан Республикасының тұңғыш президенті – Елбасының қоры жанындағы Жас ғалымдар кеңесі Ресей ғылымдар академиясы, Белорусь ұлттық ғылымдар академиясы, Армения ұлттық ғылымдар академиясының Жас ғалымдар кеңестерімен бірлесе отырып, Young Eurasian Scientist Forum (YES-Forum) Жас ғалымдардың II Еуразиялық форумын өткізді.
YES-Forum – Еуразиялық экономикалық одақ елдерінен жас ғалымдарды, экономиканың нақты секторы өкілдерін және ғылыми зерттемелердің ықтимал пайдаланушыларын біріктіретін ірі халықаралық ғылыми іс-шара.
Екі күн бойы заманауи ғылымның жас ақылдары күрделі және қолданбалық мәселелерді шешуде өз күштері мен таланттарын қолданды. Форум жұмысына барлық ғылыми бағыттардың өкілдері қатысты. Бұл жас ғалымдарға шығарылатын мәселелерге әртүрлі жақтардан қарауға және ғылымның әртүрлі аймақтарының арасындағы берік байланысты көрсетуге мүмкіншілік берді.
YES-Forum – Қазақстан, Ресей, Беларусь. Армения мен көптеген басқа елдердің жас ғалымдары, жетекші шетелдік сарапшылары және экономиканың нақты секторының өкілдеріне арналған бағалы ақпараттық-коммуникациялық алаң. Іс-шара ұйымдастырушыларының айтуынша: «Қазақстан Республикасының тұңғыш президенті – Елбасының қоры бастамасымен өткізілетін Жас ғалымдар кеңесінің жас ғалымдарына өз жобалары мен зерттемелерін инвесторларға, мемлекеттік мекемелерге ұсынуға жағдай жасайтынына сенімдіміз. Осылайша, өзіне нарыққа шығуға арналған қаржылық қолдауды қамтамасыз етеді. Біздің тәжірибеміз көрсеткендей, мұндай үлгідегі іс-шаралар ғалымдарға өз ғылыми ізденістерінің ықтимал пайдаланушыларын табуға көмектеседі».
YES-Forum аясында шетелдік сарапшылардың қатысуымен шеберлік сабақтар мен дөңгелек үстелдер өткізілді. Әлемдік атағы бар ғалымдар Сулейман Демирел атындағы университетінде, Әл-Фараби атындағы ҚазҰУ-де және ҚР БҒМ-ның философия, саясаттану және дінтану институтында қазақстандық университеттерге арналған ашық дәрістер өткізді.
Инвесторларға және ғылыми зерттемелердің ықтимал пайдаланушыларына жастардың үздік зерттемелері мен жобалары pitch-сессия барысында және инвестормен таңғы аста көрсетілді.
Мақсаты инвесторды қызықтыру мен ғылыми жобаға қаржыландыруды тарту болатын pitch-сессия, келесі бағыттар бойынша жұмыс істеді:
• Material science — нанотехнологияларды жасау, қолданбалы инновациялық технологиялар, жаңартылмалы энергия көздері саласындағы ең соңғы зертеммелер, сондай-ақ, әртүрлі міндетті дайын бұйымдар.
• Life Science — қоршаған ортаны, адам денсаулығын қорғау мәселелері, биофармтехнологиялар саласындағы ең соңғы зерттемелер.
• Агро- және биотехнологиялар — халық тұтыну азықтарын өндіру, азық-түлік қауіпсіздігі, болашақ агротехнологиялары саласындағы ең соңғы зерттемелер.
• Social Science — экономика және қаржы мәселелері, қоғамда және еуразиялық кеңістікте жүретін үрдістер, сондай-ақ, қоғамдағы мәселелерді шешетін әлеуметтік маңызы бар ғылыми жобалар.
Сонымен бірге , біздің университет Life Science секциясының жұмысы аясында «Құстарды есепке алудың және бақылаудың заманауи құралдарын қолдану» ғылыми жұмысымен таныстырды.
Жас ғалымдардың II Еуразиялық форумы жыл сайын өтетін Қор шәкірақыларын табыстау салтанатымен аяқталды. Әртүрлі елдердің ғалымдары Қазақстан Республикасының тұңғыш президенті – Елбасының қоры шәкіртақысын алу сертификаттарын табыстап, қазақстандық студенттерді құттықтады.
Сергей ПАШКОВ,
М. Қозыбаев атындағы СҚМУ Жас ғалымдар кеңесінің төрағасы,
форум қатысушысы