«Агрономия» мамандығының 3 курс студенттері шетелден тамаша жаңалықпен оралды! Германиядағы практиканың қорытындысы бойынша төрт студентіміздің үшеуі шетелдік практиканттардың үздік ондығына кірді, ол Жанна Жиенбаева, Николай Асташов және Иван Поляков. «Ауыл шаруашылығы» кафедрасының студенттері Германияға 2012 жылдан бастап барып жүр. Солтүстік Қазақстан мемлекеттік университеті «LOGO» германдық қоғамдық-пайдалы одағымен келісім-шартқа қол қойғаннан бері. Болашақ агрономдар Германияда практика өту мүмкіндігіне қалай қол жеткізгендері туралы айтып, өз әсерлерімен бөлісті.
Жанна Жиенбаева: Германияда практика өту үшін бізге неміс тілін тиісті деңгейде білу керек еді. Біз топтастарымызбен арнайы курстардан өткеннен кейін «Лого» сайтына тіркеліп, өз өмірбаяндарымызды орналастырдық. Сонан соң университетімізге компанияның өкілі келді. Ол сұхбаттасу жүргізіп, тапсырмалар, сынақтамалар берді, диктант өткізді. Біз нәтижелерімізді бір ай күттік. Байқауға қатысуға кафедрамыздан 8 студент өтінім берді. Төртеуінің бағы жанды. Әрине, біз үшін басқа елге бару ғана емес, онда жұмыс істеу өте қызықты болды. Біз өз тілдік білімімізді арттырып, кәсіби дағдыларымызды жақсарттық. Баден-Вюртемберг жері мәңгі есімізде сақталмақ. Мен шағын шаруашылықта жұмыс істедім. 25 гектар жерді дәнді-дақылдар алды, 8 – көкөністер, 1 гектар жүзім плантациясына берілді. Практиканы өткен жерім жүзімді күтіп-баптауға берекелі өлке болып саналады. Мен үшін бұл жаңалық болды. Бастығым өте мейірімді және ашық адам болып шықты. Маған практиканты емес, өзінің әріптесі сияқты қарады. Барлық өндірілетін өнімді бастық өз дүкеніне және біз жұмасына екі рет баратын үлкен базарға сатуға жіберетін. Менің міндеттеріме егістік пен плантацияда агроном ретінде жұмыс істеу ғана кірген жоқ. Сондай-ақ, мен өнімдерді сатуға дайындадым: буып-түю, бағалар, есептеулер. Мені қалжыңдап «жеке хатшы» деп атайтын.
Есте не сақталды? Сірә, немістер шынында да өте еңбекқор халық екені. Олар барлық негізгі жұмыс уақытында орындалатындай өз күндерін жоспарлай алады. Мысалға, менің жұмыс берушім ешқандай жұмысты ертеңге қалдырмайды. Сағат жетіде тұрып, барлық жоспардағы жұмысты кешкі сағат алтыға дейін бітіріп үлгереді. Қалған уақытты өз отбасымен өткізеді. Мұндай жақсы әдетті енді мен өз бойымда дамытпақпын. Бүгін істейтін нәрсені ертеңге қалдырма дегендей.
Диана Кулатаева: Еңбекқорлық, ұқыптылық, жауапкершілік – мұның бәрі немістер туралы! Практикамнан маған жас, жігерлі ұжымда жұмыс істегенім ұнады. Мен басқа практиканттармен қиындықсыз тіл табысып, тілдік кедергіні жеңдім. Шаруашылық аумағы 8 гектарды құрады, оның 4 – жылыжайлар. Мен көкөністі дақылдарды бағып күттім: қызанақтар, қиярлар, орамжапырақ, пияз және т.б. Сондай-ақ, бұл шағын шаруашылық жетекшілері қоғамдық мәселелерге ерекше назар аударатынын атап өткім келеді. Аймақта дамуда артта қалған балаларға арналған мектеп және балабақша орналасқан. Күн сайын бізге жылқыға мінуге, өнім жинауда көмектесуге асығатын балалар тобы келетін. Айтпақшы, Германияда балаларды жұмысқа ерте жастан баулиды. Ал жұмыстан кейін алау алдындағы отырыстар мен өлең айту – әділ демалыс. Келесі күні бізді жаңа әсерлерге толы кезекті жұмыс күні күтті.
Иван Поляков: Мен практиканы өткен «Bio-Hoff Glueck» шаруашылығы өз дүкенінде сату үшін көкөністер өсіруде мамандандырылған. Ферма шағын болып шықты, небәрі 11 гектар. Мен Қазақстанда шаруалар мыңдаған гектар жерде жұмыс істейтініне үйреніп қалдым. Бірақ жұмыс бастан асып жатты! Өйткені мұндай шағын аумақта менің тәлімгерім 7 дақыл өсірді: картоп, сәбіз, салаттың бірнеше түрі, орамжапырақ, жемшөптік өсімдіктер және т.б. Ал ең бастысы – мұның барлығы толығымен экологиялық таза өнім, оған Германияда зор мән береді. Түсіндіре кетсек: экологиялық таза ауыл шаруашылығы – бұл пестицидтер, синтетикалық тыңайтқыштар, өсу ынталандырушылары, антибиотиктер және тағамдық қоспаларды мал шаруащылығында қолдануға жол бермейтін шаруашылық. Мұндай шаруашылық энергияның жаңартылатын көздерін қолдануды тұспалдайды. Германияның көптеген фермерлердің өз аймақтарында сәулелік батареялар, сондай-ақ, жел диірмендері бар.
Менің күнім қалай өтті? Сонымен, «Bio-Hoff Glueck» практиканты таңғы сағат 8-де оянады. Ең біріншіден, фермадағы барлық жануарларды тамақтандыру қажет, кейін егістіктегі жұмыс басталады. Мен қатараралық өңдеу жүргіздім, Колорадо қоңызын жинадым, өсімдіктер мониторингін жүргіздім. Шынында, Қазақстанның дәл экологиялық таза ауыл шаруашылығын дамытуда келешегі бар. Бірақ, өкінішке орай, мұнымен ешкім айналыспайды. Маған болашақ агроном ретінде Германияда алған мұндай тәжірибе өте қызықты. Отандық нарықта дәл осы бағытты дамытатын фирмалар саны көп болуы қажет. Біз практикадан сүрінбей өткенімізден басқа, сондай-ақ, «Экологиялық таза ауыл шаруашылығындағы біліктілікті арттыру» апталық семинарына қатысуға мүмкіншілік туды. Соңында барлық практиканттар рейтингі қорытылды. Үшеуіміз үздік ондыққа кіргенімізге қуандық. Бұл университетіміздің қабырғасында бәсекеге қабілетті білім берілетінін және кафедрамыз әлемнің әртүрлі елдерінің жетекші ЖОО-мен бір қатарда екендігінің дәлелі.
