Астанамызда Аламан» республикалық фестивалі өтті. Тәуелсіздіктің 25 жылдығына арналған ауқымды іс-шараға «Серпін-2050» әлеуметтік жобасы бойынша елдің 22 ЖОО-ның және 54 колледждердің 400-ден астам білім алушылары қатысты. Оның ішінде СҚМУ-дың студенттері де болды.
Астанада «Серпін» жобасының үздік студенттерін құттықтау салтанаты өтті. «Аламан» республикалық фестивалінің бағдарламасы аясында 10 түрлі номинациялар бойынша аймақтық оқу орындарында іріктеу жарыстары өтті: «Үздік әлеуметтік жоба», «Үздік ғылыми жоба», «Үздік эссеге байқау», «Пікірталастық турнир», «Шығармашылық байқау», «КТК байқауы», «Спорттық жарыстар» және т.б.. Оның қорытындылары бойынша Солтүстік Қазақстан облысын 14 адам таныстырды, оның 9-ы біздің ЖОО-ның студенттері.
«Аламан» фестивалі Лев Гумилев атындағы Еуразия ұлттық университетінің сахнасында өткізілді. Жиналғандарға білім вице-министрі Бибігүл Асылова және қоғам қайраткері Мұрат Әбенов сәлем берді. Барлық финалға қатысушылар мақтау қағаздарымен марапатталды. Іс-шара гала концертпен аяқталды.
Жастар фестивалға қатысқан кезде, 3 курс студенті Сымбат Лепес өзінің талантымен ЖОО-мыздың атын көкке көтерді. Ол да «Серпін» жобасы аясында СҚМУ-ға білім алуға келген болатын. Тәуелсіздіктің 25 жылдығына арналған қалалық мәтінді мәнерлеп оқушылар байқауында Сымбат Лепес 2 орынды иеленді.
«Серпін-2050» әлеуметтік жобасы 2014 жылдан бастап жастарды еліміздің жұмыс күші мол аймақтардан жұмыс күші аз аймақтарға оқу көші-қонуы мақсатында жүзеге асырылуда. Бүгінгі күні жоба аясында 12,5 мың студент білім алуда, оның 619-ы М. Қозыбаев атындағы СҚМУ-да.