М. Қозыбаев атындағы СҚМУ қабырғасында «Таза экологиялық су» инновациялық жобасының презентациясы өтті. Презентацияға ректордың міндетін атқарушы Серік Өмірбаев бастаған ЖОО-ның басшылығы, профессор-оқытушылар құрамы, "Ауыл" халықтық-демократиялық патриоттық партиясының және облыс ғылыми қоғамдастығының өкілдері қатысты.
"Аэрозон" су тазарту кешені суды механикалық қоспалардан, темірден, марганецтен, фенолдан, мұнай өнімдерінен хлорды қолданбай тазартуға арналған. Бұл жобаны Томск ғалымдары әзірледі, енді ол Қазақстанда да қолданылады. Отырысты ашу барысында университеттің ректоры Серік Өмірбаев бұл инновациялық жобаның біздің аймақ үшін маңыздылығын атап өтті. Оны жүзеге асыру үшін бюджеттен 150 миллион теңге бөлінді. Демеушісі – Ғылым қоры.
Біздің облысымызда бұл жобамен жетекшілік ететін басты ғалымдардың бірі –жаратылыстану және ауыл шаруашылығы ғылымдары факультетінің деканы Ирина Голодова. Оның айтуынша, судағы хлор мөлшерін азайту адам ағзасына жағымды әсер етеді. Мұндай технология алыс шет елдерде ұзақ уақыт бойы пайдаланылады. Жаңа әдістемені біздің өңірде де бағалады.
Жоба 1 ақпаннан бастап күшіне енеді. Су сапасын жақсартуға мүмкіндік беретін құрылғы Киров атындағы зауытта шығарылатын болады. "Қызылжар су" және "Есіл су" ЖШС-ларымен шартқа қойылды. Жоспар бойынша, Қазақстанның барлық аймақтары ағымдағы жылдың ішінде бұл су тазарту жүйесіне көшетін болады. Бұл жоба аясында М. Қозыбаев атындағы СҚМУ-да ауқымды жұмыстар атқарылуда.