26 қаңтар күні педагогика факультеті мен тарих, экономика және құқық факультеттерінің студенттері мен оқытушылары университет қабырғасында Қазақстан Республикасының Президенті Нұрсұлтан Назарбаевтың жолдауын талқылады.
Қазақстан Республикасының Конституциясына «Өзгерістер мен толықтырулар енгізу» – бұл өткен сәрсенбі күні шыққан президент жолдауының атауы. Университеттің 3 корпус қабырғасында өткен жиынында жолдауда айтылған барлық өзгерістер жайлы "Қазақстан тарихы және әлеуметтік-гуманитарлық пәндер" кафедрасының оқытушылары елбасының әрбір айтқан сөздерін студенттер алдында талқылауға салды. 2017 жылы Елбасы елдегі мемлекеттік билік тармақтары арасында өкілеттіліктердің қайтадан жаңа деңгейде бөлу туралы мәселе көтерді. Конституцияға түзетулер енгізілгеннен кейін, қоғамда ынталандыруға бағытталған өзгерістер саяси жүйе, мемлекет пен азаматтық қоғам институттарының деңгейін нығайтуға көмектеседі. Айта кету керек, конституциялық түзетулер алғашында 10 жыл бұрын, яғни 2007 жылдың 21 мамырында енгізілген болатын. Сонымен қатар, өкілеттікті бөлудің ықпалы азаматтық қоғам мен мемлекеттік билік арасында теңгерім жасап, қоғамда қатты әсер туғызады. Аталмыш өзгерістер даму перспективалары мемлекеттік билік органдарында, саяси партияларда, қоғамда, еңбек ұжымдарында талқыланып, содан кейін қабылданатын болады.
