Өзінің 80 жылдығында Манаш Қозыбаев атындағы Солтүстік Қазақстан мемлекеттік университеті облыс аудандарында көшпелі кездесулер сериясын өткізуде.
Алғашқы кездесу 8 ақпан күні Қызылжар ауданының бірнеше мектептері оқушылары мен мұғалімдерінің қатысуымен Бескөл ауылының «Парасат» мектеп-лицейінде өткен болатын. Ректордың м. а. Серік Өмірбаев бастаған, құрамына ЖОО-ның студенттері мен оқытушылары кірген үлкен делегацияны қызылжарлықтардың атынан Қызылжар ауданының әкімі Болат Жұмабеков қарсы алды.
Серік Өмірбаев, СҚМУ-дың оқытушылары мен студенттері өз кезегінде жиналғандарға жетекші жоғары оқу орнының 80 жылдық даңқты тарихы мен бүгінгі күні туралы жан-жақты әңгімеледі. 1937 жылы мұғалімдер институты ретінде құрылған, кейін педагогикалық институтқа өзгертілген жоғары оқу орны 1996 жылы тәуелсіз Қазақстанда классикалық университетке айналды. 80 жылғы даңқты тарихы ішінде М. Қозыбаев атындағы СҚМУ еңбегіне лайық Солтүстік Қазақстанның жетекші білім беру, ғылыми және мәдени орталығы атанды. Осы жылдар ішінде университет республикамыздың әр түрлі қалаларында ғана емес, сондай-ақ, алыс және жақын шетелдерде еңбек ететін ондаған мың мамандарды даярлаған болатын.
Аудан оқушылары, олардың ұстаздары мен ата-аналары СҚМУ-дың мерейтойына арналған фильмді тамашалап, университеттің суретті газетін, түрлі-түсті буклеттерді қолдарына алды. Олардың назарларына қызықты концерттік бағдарлама ұсынылды.
Кездесу соңында Қабылдау комиссиясының өкілдері мен ЖОО-ның оқытушылары қызылжарлықтардың қызықтыратын сұрақтары бойынша кеңестер өткізді.
Мұндай кездесулер, күмәнсіз, түлектерге болашақ мамандықты таңдауға көмектеседі, орта мектепті сәтті аяқтауға ұмтылуда қосымша ынталандырмаға айналып, жастар болашағы, көбінесе, олардың өздері мен өмір жолын дұрыс таңдауға байланысты екенін еске салады.
