Қазақстан халқының Ассамблеясы туралы Заңда және Қазақстан халқы Ассамблеясының 2025 жылға дейін даму тұжырымдамасында басым міндеттердің ішінде қайырымдылықты жүзеге асыру анықталады. Қайырымдылық қызметін ұйымдастыру және өткізу Қазақстан халқы Ассамблеясының түйінін құрайтын көптеген этномәдени бірлестіктер үшін қиын міндет болып табылады, өйткені олар қоғамдық негізде жұмыс істеуде, оларда материалдық көмек көрсету үшін ғана емес, жеке даму үшін материалдық құрал жоқ.
Қайырымдылық адамдардың көпшілігі үшін халықтың әлеуметтік әлсіз топтарына материалдық қолдаумен ассоциаланады. Осы қаржы құралдарының болмауы адамдардың санасында игі істер мен қылықтарды көрсету мүмкін еместігі туралы таптаурын қалыптастырады. Осыған байланысты қайырымдылықтың материалдық емес нысандары мен түрлерін әзірлеу мен қолдану мәселесін қою өзекті болып табылады.
М. Қозыбаев атындағы СҚМУ-дың «Қазақстан халқы Ассамблеясы» кафедрасы 2017 жылғы 10 ақпан күні қайырымдылықпен, қоғамның әр түрлі топтарына (жетім балаларға, ауру балаларға, мүгедектерге, қарт адамдарға, аз қамтылған адамдарға, белгілі бір тұрғылықты жері жоқ тұлғаларға, сотталған адамдарға) әлеуметтік көмек көрсетумен айналысатын М. Қозыбаев атындағы СҚМУ-дың оқытушылары мен волонтер-студенттерінің, мемлекеттік ұйымдар мен қоғамдық бірлестіктер өкілдерінің қатысуымен Солтүстік Қазақстан облыстық Қазақстан халқы ассамблеясының этномәдени бірлестіктеріне арналған «Қайырымдылықты ұйымдастыру: жаңа қағидалары мен әдістері» өңірлік ғылыми-практикалық семинарын әзірлеп өткізді.
Сөз сөйлеушілер (Гривенная Л. А. – «Қазақстан халқы Ассамблеясы» кафедрасының меңгерушісі, Корнева В.Ю. – «Коперник» облыстық поляк мәдени орталығы төрағасының орынбасары, Хасанова Д. Г. – «Түрік мәдениеті» ҚБ төрағасының орынбасары, Шевченко С. А. – «Педагогика және психология» кафедрасының аға оқытушысы, Бусыгина С. А. – Солтүстік Қазақстан облысы әкімінің әлеуметтік мәселелер бойынша штаттан тыс кеңесшісі, Токарева Т. В. – «Петропавл қ. балалар үйі» КММ-ның әдіскері, «Мы есть» мүгедектер қоғамдық қорының басшысы – Сапченко Н.А. және құрылтайшысы – Попова С. Н., Бондаренко Г. А. – «Улыбка» балалар қайырымдылық қорының президенті, Черепанов В. В. – «Вектор милосердия» МҚБ төрағасының орынбасары, Сомтеміров Ж. О. – Петропавл қ. әкімдігі «БТЖЖ тұлғаларына арналған Петропавл қалалық әлеуметтік бейімделу орталығы» КММ-ның директоры, Әділбеков Х. Қ. – Петропавл қаласы «Қызылжар» орталық мешітінің араб тілі мұғалімі, Илькенова К. А. – «Солтүстік Қазақстан облысы әкімінің аппараты» ММ «Қоғамдық келісім» КММ-ның мәдени-бұқаралық жұмыс және этномәдени орталықтардың қызметі бөлімінің жетекшісі, Әубәкіров А. – студенттік кәсіподақ комитетінің төрағасы, ФС-13 т. студенті) қайырымдылықты, уәждемені, атаулы әлеуметтік көмек анықтауды, қайырымдылық көмек көрсетілетін адамдардың әлеуметтік және жас ерекшеліктерін есепке алуды, тәжірибелік қызметтің қиындықтарын, қайырымдылықты жүзеге асырудың жаңа қағидаттары мен тәсілдерін әзірлеуді ұйымдастыруда үйлестіруді және өзара әрекеттестікті жүзеге асыруда Қазақстан халқы Ассамблеясының рөлі мәселелерін көтерді.
Семинар барысында төмендегідей ұсыныстар әзірленді:
I. Қайырымдылық қызметімен айналысатын барлық ұйымдарға:
1. Волонтерлар қозғалысын дамыту бойынша жұмысты күшейту.
2. Қайырымдылықтың материалдық емес нысандарын және түрлерін пайдалануды кеңейту.
3. Қайырымдылық жұмысын жүргізуді материалдық емес көтермелеу арқылы ынталандыру (алғыс хаттар, БАҚ-да жариялау, көпшілік іс-шараларға қатысу).
II. Солтүстік Қазақстан облыстық Қазақстан халқы ассамблеясының этномәдени бірлестіктеріне:
4. Халықтың әлеуметтік әлсіз топтарына, оның ішінде М. Қозыбаев атындағы СҚМУ-дың студенттеріне, атаулы көмек көрсетуді кеңейту.
III. «Қазақстан халқы ассамблеясы» кафедрасына:
5. Қайырымдылық қызметін ұйымдастыру мәселелері бойынша әдістемелік құралын 2017 жылғы 1 қыркүйекке дейін әзірлеп шығару (жауапты: Гривенная Л. А., Шевченко С. А.).
IV. «Солтүстік Қазақстан облысы әкімінің аппараты» ММ-ның «Қоғамдық келісім» КММ-ға:
6. 2017 жылғы 31 желтоқсанға дейін М. Қозыбаев атындағы СҚМУ-дың БПБ негізінде басып шығарылған әдістемелік құралды таралымға шығару және Солтүстік Қазақстан облысы этномәдени орталықтарына тарату (жауапты: Есқожа А. Н.).
V. Жастар ісі жөніндегі комитетке, студенттік активке, М. Қозыбаев атындағы СҚМУ студенттерінің кәсіподағына:
7. М. Қозыбаев атындағы СҚМУ студенттерінің 2017-2018 оқу жылы қайырымдылықты жүзеге асыруы бойынша жұмыс түрлерін жүйелеу және кеңейту.