Алғыс күні қарсаңында «Қазақстан халқы Ассамблеясы» кафедрасының меңгерушісі – Л. Гривенная, маманы – А. Қадырменова және практиканты – А. Мехтиева (ПД-13 т. студенті) «Этноконфессиялық келісімнің қазақстандық үлгісі» лекторийі аясында 14, 15, 16 және 21 ақпан күндері «Қазақстан халқы Ассамблеясы – этносаралық қатынастар саласындағы пәрменді құрал» тақырыбында қазақ тілінде (ПМНО-16к, ФКС-16к, МО-16к, НВП-16к, И(о)-16к, Ю-16к, ФС-16к студенттері үшін), орыс тілінде (РЛ-15, ИЯ-15, Ин(е)-15, Ин(о)-15, М(о)-15, И(о)-15, ЭЭ-15, С-15, Тр-15 студенттері үшін) және ағылшын тілінде (ПД-15 т. студенттері үшін) дәрістер өткізді.
Дәрістерде Қазақстан халқы Ассамблеясы, этномәдени бірлестіктер, №17 ұлттық өркендеу орта мектеп кешені, Солтүстік Қазақстан Қазақстан халқы ассамблеясының хатшылығы, «Қазақстан халқы Ассамблеясы» кафедрасы қызметінің мәселелері талқыланды.
Студенттер 2016 жылдан бастап елімізде 1 мамыр күні, яғни Қазақстан халқы Ассамблеясының туған күнінде, жаңа мейрам Алғыс күні аталып өтілетіні туралы ақпарат алды.
Бұл күні еліміздің тұңғыш президенті Н. Ә. Назарбаевқа этносаралық қатынастар саласындағы саясаты үшін, тұрғылықты емес ұлт өкілдеріне жерімізде өзінің екінші отанын тапқаны үшін, түрлі ұлт өкілдеріне бір-біріне көмек және қолдау көрсетуі, мұқтаж адамдарға қайырымдылық пен қамқорлығы, бірлік пен келісімі, Қазақстан халқының мәдени сан алуандығы, Қазақстан халқының жастарын Қазақстан халқы Ассамблеясының қызметіне тартуы үшін алғысты көздейді.
Кездесулер диалог түрінде өтті. Студенттер сұрақтар қойып, Қазақстан халқы Ассамблеясының қызметін жетілдіру, жастар іс-шараларын өткізу жөнінде ұсыныстарын ортаға салды. Студенттер кімге және не үшін ризашылық білдіретіні туралы айтты. Олар Алғыс күнін өзінің туған-туыстарына қонаққа барудың, қоңырау шалып, ризашылық сөздерін айтудың тағы бір мүмкіндігі деп санады.
