1 наурыз – Қазақстанда Алғыс айту күні. ҚР Президенті Нұрсұлтан Назарбаевтың 2016 жылғы 14 қаңтардағы Жарлығымен Қазақстанда Алғыс айту күні бекітілген болатын. Сондай-ақ, бұл күн – Қазақтан халқы Ассамблеясының құрылған күні. Биыл бұл мереке елімізде екінші рет аталып өтілмек.
Бұл бастама халық қолдауына ие болып, адамдарда мейірімділік, рақымдылық, көмек үшін бір-біріне өз алғысын білдіруге табиғи тілек тудырады.
Бұл күні бейресми және рухани кездесулерді өткізу өте маңызды болып табылады.
Биыл «Қазақстан халқы Ассамблеясы» кафедрасының бастамасымен М. Қозыбаев атындағы СҚМУ-да Алғыс айту күні жаңа форматта ұйымдастырылды. «Жүректен жүрекке» атты кездесу кеші 2017 жылдың 1 мамыр күні өтті. Өмірі адамдар үшін келісімді сақтаудың, тілдерді меңгеру мен білудің, әлеуметтік мәселелерді шешудің, донорлықты іске асырудың, Қазақстан халқының мәдени мұрасына сыйластық қатынастың, өз Отанына – Қазақстанға және Отан қорғауға деген адалдықтың үлгісі болып табылатын университет оқытушылары, қызметкерлері, түлектері (Сим Р. И. (Ф. А. Симның зайыбы), Табакова З. П., Никифоров А. В., Тетюхин Е. П., Тайжанова М. М., Байлин Б. И., Богова Я. В., Шеффинг А. К.) басты назарда болды.
Кешті дайындау мен өткізуде «Саз пәндері» кафедрасының (кафедра меңгерушісі Колесникова Г. А.) оқытушылары, студенттері, «Парасат» медиа орталығы белсене қатысты. «Саз пәндері» кафедрасымен әрбір шақырылған қатысушыға арналған жоғары кәсіби деңгейдегі бірегей музыкалық нөмірлер дайындалды. «Парасат» медиа орталығы кеш басында көрсетілген «Алғыс айтамын» фильмін түсірген болатын.
Кеш жүргізушілері: Гривенная Л. – ҚХА каф. меңгерушісі, Мұхамеджанов Е. – «ЭжР» кафедрасының оқытушысы қатысушыларды игілікті, сенімді атмосферада олардың тағдыр призмасы арқылы таныстырды. Әр қатысушыға күтпеген кездесулер, құттықтаулар, сыйлықтар, музыкалық нөмірлер дайындалды.
Кешке «Нұр Отан» партиясының Солтүстік Қазақстан филиалының өкілдері, қалалық Ардагерлер Кеңесінің мүшелері, Солтүстік Қазақстан Қазақстан халқы ассамблеясы этномәдени бірлестіктердің өкілдері, СҚО әкімі жанындағы «Қоғамдық келісім» КММ, «СҚО білім басқармасы» ММ, университеттің педагогикалық еңбек ардагерлері, университеттің оқытушылары, қызметкерлері, студенттері және түлектері, колледж және мектеп оқытушылары мен оқушылары қатысты.
Кеш барысында «Жақсылық пен қайырымдылық керуені» шежіресін құру бойынша 20 үздік жұмыстардың авторларына алғыс хаттар табыс етілді. Тайынша ауданының Чкалов №2 ОМ 9-сынып оқушысына үздік жұмысы үшін Солтүстік Қазақстан облыстық Қазақстан халқы ассамблеясы атынан арнайы жүлде сыйланды.
«Жүректен жүрекке» кеші ЖОО-ның оқытушылары, студенттері мен қызметкерлері арасында түсінік, құрмет пен бірлікті нығайтуға мүмкіндік туғызатын университетіміздің тағы бір жақсы дәстүріне айналуы тиіс.