Жаңа жыл алдындағы сиқыр бар. Камила Катиенова «Қазпошта» мекен-жайы бойынша Аяз Атаға хат жазып, бұған көз жеткізді. Оқушы Жаңа жылға сұраған сыйлығын алды. Аяз Атаға жазған хатында ол науқас сіңлісі Айдана үшін компьютер сұрады. «Қазпоштаның» әлеуметтік акциясына бүкіл Қазақстан бойынша 20 мыңға жуық ұлдар мен қыздар қатысты. «Нұр Отан» партиясының мүшелері де игі істі қолдады. «Нұр Отан» партиясы «Болашақ» филиалының төрағасының бірінші орынбасары Александр Зельдің айтуынша, келіп түскен хаттардың үлкен көлемін ескере отырып, барлық санаттағы балаларды «Қазпошта» АҚ-ның ресурстарымен қамту мүмкін болмады. Акцияның идеологиялық маңыздылығын және әлеуметтік бағыттылығын назарға ала отырып, «Нұр Отан» партиясы осы іс-шараны «Бақытты отбасы – бақытты балалық шақ» партиялық жобасы аясында өткізілуін қолдады. Осыған байланысты М. Қозыбаев атындағы Солтүстік Қазақстан мемлекеттік университетінің басшылығымен бірлесіп, Катиенова Айданаға сыйлық сатып алу үшін демеушілерді тарту бойынша жұмыс ұйымдастырылды.
Биыл «Аяз Атаға хат жаз» акциясының біздің қалада өткізілуі бірінші рет емес. Хаттарды іріктеу кезінде аз қамтылған отбасылардан шыққан балаларға және балалар үйінің тәрбиеленушілеріне басымдық беріледі. Бүгін Солтүстік Қазақстан мемлекеттік университетінің «Болашақ» филиалының мүшелері Айдана Катиеноваға көптен күткен ноутбукты табыс етті. 10 жасар қыз аутизмнен зардап шегеді, ал компьютер Айдананың дамуына көмектеседі. ЖОО-ның шығармашылық ұжымдары қонақтарға арнап концерттік бағдарлама дайындады.
