М. Қозыбаев атындағы СҚМУ-да Петропавл қаласының мектеп пен колледж оқушыларына арналған кәсіби бағдарлы кездесу өтті. Кездесудің мақсаты – болашақ талапкерлерді университетпен, оқытушылармен таныстырып, болашақ мамандықты таңдауға көмектесу.
М. Қозыбаев атындағы СҚМУ-дың 80-жылдығы аясында өткізілген олимпиадалар, пікірталастар және басқа да көптеген іс-шаралар оқушылардың университетпен тікелей танысуына ықпал етті.
Талапкерлермен белсенді жұмыс істеу әдістерінің бірі – Ашық есік күнін өткізу. Кездесу барысында деканаттар өкілдері мамандықтар туралы, оқу үдерісін, студенттік өмірді ұйымдастыру және басқа да көптеген сұрақтарды талқылады. Университет ректоры Серік Өмірбаев түлектерге университетіміздің тарихы және жоғары оқу орнымызда білім алу келешегі туралы айтты.
Әр адам өз өмірінде болашақ тағдырын айқындайтын бірнеше түйінді шешімдерді қабылдауы тиіс. Мамандық таңдау – соның бірі. Бүгінгі түлектер болашақ мамандықты саналы түрде таңдайды.
Өз мерейтойын мерекелеу шеңберінде облысымыздың тоғыз ауданында университетпен көшпелі кәсіби бағдарлы кездесулер өткізілді. Осыған ұқсас кездесулер, сондай-ақ, облыс орталығында өткізілуде. Осы іс-шараларды ұйымдастырушылар кездесулерді облыстың барлық өңірлерінде өткізуді жоспарлауда.
