Манаш Қозыбаев атындағы Солтүстік Қазақстан мемлекеттік университеті облыс талапкерлеріне кәсіптік бағдар беру жұмыстарын жалғастырып жатыр. Бұл жолы университет делегациясы Ғабит Мүсірепов ауданындағы Рузаевка ауылына келген. Жиналысты университет ректоры Серік Өмірбаев ашты:
– Құрметті Ғабит Мүсірепов ауданының ұстаздары, болашақ түлектері мен аудан колледжінің студенттері. Келгендеріңіз үшін университет атынан алғысымды білдіремін. Болашақ – жастардың қолында. Сол себепті сапалы білім алу – өте маңызды. Бүгінгі жиында сіздерге университет жайлы толық ақпарат беруге тырысамыз. Біз бұл жұмыстың пайда тигізетініне және сіздердің Манаш Қозыбаев атындағы СҚМУ-ды таңдауларыңызға сенімдіміз.
Келгендерге шағын кітапшалар таратылып, жоғары оқу орнындағы білім беру жүйесі жөнінде ақпарат берілді.
Болашақ түлектер қатары аз емес. Олар Солтүстік Қазақстан мемлекеттік университетінде білім алу үшін барлық жағдай жасалғанын атап өтті. Жиын барысында болашақ студенттер сұрақтарына жауап алып, жетекші оқу орындарының біріне түсуге дайын екенін білдірді. Ал ең соңында білім ордамыздың талантты жастары ән айтып, концертітк бағдарламасын ұсынды.