М. Қозыбаев атындағы СҚМУ-да Ардагерлер кеңесінің 30 жыл толуына орай салтанатты іс-шара өтті.
Жиынға облыс пен қалалық мекемелердің еңбек сіңірген қайраткерлері мен құрметті азаматтары жиналған. Олардың арасында Петропавл әкімінің орынбасары Евгений Глотов, СҚО Ардагерлер кеңесінің төрағасының орынбасары Адия Ахметова, қалалық Ардагерлер кеңесінің төрайымы Сара Тасеменова және басқалары бар.
Университет ректоры Серік Өмірбаев құттықтау сөз айтып, жоғары оқу орнының дамуына елеулі үлес қосқаны үшін үлкендерге алғысын білдірген. Сондай-ақ, шара барысында көп жылдық еңбектері үшін ардагерлер алғыс хаттармен марапатталды. Қозғалыстың белсенділік танытқаны мен жастарға паториоттық тәрбие бергені үшін университет атынан СҚО Ардагерлер кеңесіне сыйлық берілді. Салтанатты рәсім музыкалық кешке ұласты. Білім ордамыздың талантты жастары ән айтып, концерттік бағдарлама қойды.
М. Қозыбаев атындағы СҚМУ-дың Ардагерлер кеңесі 1988 жылы құрылды. Бүгінгі таңда ұйымда барлығы 414 ардагер бар. Олардың басым бөлігін университет профессорлары мен оқытушылары құрайды. Ұлы Отан соғысы кезінде Қазақ КСР-і мұғалімдер институтын аса жоғары бағалады. Майданға 40-тан астам адам аттанған, олардың 13 оқытушылар болған.
