Білім ордамызда Павлодар университетінің бастамасымен «Сөйлеу дефекттерін жоюдағы логопедтік массаж» тақырыбында онлайн семинар өтті. Оның мақсаты – болашақ мамандарға тіл кемшілігін түзету үшін гимнастиканың физиологиялық әсерін зерттеп, техникасын үйрету.
Семинарға білім ордамызбен қатар, Павлодар, Қостанай және Тараз педагогикалық университеттері қатысқан. Педагогикалық факультет деканының орынбасары Бибігүл Дюсембаева логопед-дефектолог мамандығы өте қажет дейді. Олар дизартрия, алалия, дцп, аутизм, сондай-ақ, бас сүйек-ми зақымын алған балаларға көмектеседеі екен.
Семинарда Педагогикалық институтының анатомия, физиология, дефектология кафедрасының меңгерушісі, доктор Гүлсара Қанатқызы, Тараз университетінің аға оқытушысы Жанар Исмаилова және өзге де профессорлар баяндамаларын оқыды. Педагогикалық ғылымының кандидаты Людмила Лиходедова мектепке дейінгі балалардың сөйлеу коррекциясы туралы сөз көтерді. Оның айтуынша, ерте жастан бастап бүлдіршіннің тіл кемістіктеріне назар аударып, дефекттерін жою керек. Семинар соңында дефектология тақырыбында студенттер арасында пікірталас өтті.
Логопед-дефектолог сөйлеу бұзушылықтарын жою немесе азайту және тілдің дамымауы бойынша сабақ береді. Бүгінде кемшіліктермен туған балалардың саны көп болғандықтан, бұл мамандықтың қажеттігі артуда.
