Білім ордамызда кезекті рет қайрымдылық акциясы өтуде. Бұл шараны ұйымдастырушылар – университет оқытушылары мен студенттер құрамы. Қайырымдылық акциясы Бейсенбаева Диананың шетелде емделуіне азды-көпті болмасын өз көмегін тигізбек. 13 жасар қыз кішкентай кезінен бастап бас миының қатерлі ісік ауруына шалдыққан. Енді қазір денсаулығын түзету үшін көп қаражат қажет боп тұр. Аз да болса, қол ұшын беру үшін студенттер тәтті тағамдар мен қолдан жасалған бұйымдарды сатылымға қойған. Жиналған қаржы Диананың еміне жіберілмек.
Акция соңында ұйымдастырушылар концерттік бағдарлама қойды. Студенттер әрбір кафедра атынан өз өнерін көрсетіп, көрермендердің қошеметіне бөленді.
Университет жастары осындай қайрымдылық іс-шаралардың жиі өткізілуіне ниет білдіруде. Балалардың өмірін көркейтуге, дені сау, мықты болуға ешқашан өз көмегімізді аямаймыз, – дейді қатысушылар.