Сәуір айы – сенбілік шаралар өткізудің дәстүрлі кезеңі. Бұл күндері қаланың барлық ұйым қызметкерлері қоршаған ортаны жақсартып, саябақтар мен көшелерді қоқыстан тазартады. Университет маңы мен Мағжан Жұмабев көшесін тазалауға білім ордамыздың жетекшілері мен оқытушылары шыққан.
Ер азаматтар ағаш бұтақтарын кесіп, қоқыс шығарса, әйелдер жағы ауланы сыпырумен айналысты. Арнайы техника арқылы университет маңынан пластик, темекі тұқылдары мен қап-қап жапырақтар үймесі шығарылды. Сенбілікке қатысушылар көтеріңкі көңіл-күймен жұмысқа білек сыбана кірісті. Әрқайсысы қоршаған ортаны қорғауға өз жәрдемін тигізуге тырысты.
Сенбілік – өз еркімен өткізілетін еңбек шарасы. Оған еліміздің әрбір азаматы қатысса, қоршаған ортамыз таза болады. Тазалық – денсаулық кепілі, денсаулық – байлық кепілі деп бекер айтылмаған.