Университет қабырғасында Халықаралық Жер күніне арналған көрме байқауы өтті. Білім ордамызбен қатар конкурсты ұйымдастыруға экология департаменті және экосфера қоғамдық бірлестігі ат салысқан. Жарысқа мектеп оқушылары арасынан 76 бүлдіршін қатысты. Әрқайсысы Жер-Ана тақырыбында түрлі бұйымдар жасап, шығармашылық жұмыстарын ұсынды. Биылғы байқауда жеңімпаздар 4 номинация бойынша сынға түскен екен.
Халықаралық Жер күні 2009 жылдың 22 сәуірінде Біріккен Ұлттар Ұйымының сессиясында бекітілген болатын. Бұл қарар планетамыз бен оның экожүйесі адамзатқа өмір қамтамасыз ететін біздің ортақ үйіміз екенін мойындайтын құжат. Ал Жер-Ана термині көптеген елдерде пайда болған, ол адамның табиғатқа деген тәуелділігін көрсетеді.