Манаш Қозыбаев атындағы Солтүстік Қазақстан мемлекеттік университетінде Елбасының «Қазақстан жаңғыруы: жаһандандық бәсекеге қабілеттілік» атты жолдауын талқылады. Жиын барысында ғылым саласының жаңа деңгейге көшуі жөнінде, сондай-ақ, роботизация, автоматизация, жасанды интеллект сияқты өзекті мәселелер жайында сөз қозғалды. Алайда бұл отырыстың басты мақсаты – жоғары оқу орнымыздың машина жасау кәсіопорындарымен байланыс орнату болған. Ғалымдардың айтуынша, мұндай жиындардың арқасында инновациялық технология тұрақтандырылып, алға басады.
Конференцияға университет оқытушыларымен қатар, Қазақстан машина жасау одағының бірнеше өкілдері, соның ішінде «Петропавл ауыр машина жасау зауытының» бас директоры Николай Васильев, сондай-ақ, Қазақстан Республикасының қорғау мен аэроғарыштық өнеркәсіп министрінің кеңесшісі Мейірбек Молдабеков және өзгелері де қатысты. Әрқайсысы өз баяндамасында Елбасы қойған мақсаттарын іске асырып, өндіріс мүмкіншіліктерін пайдалану керектігі туралы айтты.
Мұндай шаралар арқасында білім ордамыз облыстық кәсіби орындармен тығыз байланыс орнатып, алдағы уақытта студенттерге тәжірибе өтуге және білікті маман болуға септігін тигізбек.