Университет кезекті кәсіби бағдар беру жұмыстарын өткізді. Бұл жолы білім ордамыз Айыртау ауданына аттанды. Делегация құрамында – Стратегия және халықаралық ынтымақтастық жөніндегі университет проректоры Айдос Мұқатаев, тіл және әдебиет институтының директоры Жанар Таласпаева, педагогика және психология кафедрасының меңгерушісі Амангелді Иманов және инженерлік-техникалық факультетінің деканы Александр Демьяненко. Шараның мақсаты – мектеп түлектеріне оқу ордамыз жайлы толыққанды ақпарат таратып, кәсіби бағыт беру.
Білім беруші мамандар мектеп оқушыларының болашақ бағыты мен оқу орындарын таңдау мәселесін шешуге көмек бере отырып, дайындығын арттыруға ақыл-кеңес берді. Сондай-ақ кездесу барысында талапкерлерге университеттің факультеттері мен мамандықтары туралы ақпарат беріліп, оқушылар өздерін толғандырған сұрақтарына жауап алды. Оқу ордамыздың білікті оқытушылары өз тәжірибелерімен бөлісіп, студенттердің өмірі жайлы қызық тұстарын баяндап берді.
Жанар Таласпаева, тіл және әдебиет институтының директоры:
– Мамандықты таңдау – әрбір мектеп түлегінің жауапты қадамы. Сондықтан біздің басты мақсатымыз – жоғары оқу орны жайлы ақпарат беріп, оның мүмкіншіліктері, болашағы жайлы сіздерге жеткізу.
Манаш Қозыбаев атындағы Солтүстік Қазақстан мемлекеттік университеті – Солтүстік өңіріндегі жалғыз жоғары оқу орны болып есептелінеді. Университеттің мұражайы, обсерватория, спорттық жаттығу залдары талапкерлерді аса қызықтырды. Оқушылар қай мамандыққа түсуге қиялданып, өздерінің алдына қойған мақсаттарын нақтылай түсті.
Кездесу өте қызықты өтті. Дәстүр бойынша университетіміздің өнерлі жастары концерт қойып, ән шырқады. Балалар білім ордамызбен танысқанына, мол ақпарат алғандарына және оқытушылардың осындай кәсіби бағыт бергендеріне ризашылығын білдірді.
Кәсіптік бағдар беру жұмыстары – жас ұрпақты өзіне ұнаған тиісті мамандықты саналы түрде таңдап алуға бағытталған. Бұл шараның маңыздылығы – оқушылар келешекте қай қызмет жасайтынын анық біліп, жоғары оқу орынға түсуге алдын-ала дайындалады. Сол себепті университетіміз бұл мақсатты ескере отырып, мектеп оқушыларына осындай талап қойып отыр.
