М. Қозыбаев атындағы СҚМУ әскери кафедрасының курсанттары 2017 жылғы 19 тамызда салтанатты түрде әскери ант қабылдады.
- Бүгін біз үшін ерекше күн. Біздің курсанттар, жеке құрамымыз, әскери ант қабылдағалы жатыр, – деді әскери кафедра басқарушысы полковник Совет Әлжапаров, салтанатты рәсімді ашып. - Өздеріңіз білесіздер, әскери кафедрада оқу мерзімі екі жыл. Екі жыл аяқталғаннан кейін курсанттарда оқу жиыны өтеді. Бұл жиында өз бойына жинаған теориялық материалдарды практикалық сабақтармен бекітеді. Тактикалық дайындық, ату сабақтары жүргізіледі, БМП жүргізу сабақтары болады. Соңғы кезең - бұл ант қабылдау, содан кейін мемлекеттік емтихан тапсырылады. Менің ойымша, өз отанына деген адалдықпен әскери ант қабылдаған күн әрбір отан қорғаушы үшын ұмытылмас сәт.
19 жыл ішінде әскери кафедра 2500 астам запастағы офицерлер мен сержанттарды даярлады. Әскери кафедраның түлектері Қарулы Күштер, Ішкі істер министрлігі, ҰҚК шекара әскерлерінде және Қазақстан Республикасының басқа әскери құралымдарында қызмет етуде.
Кафедра штаты профессорлық-оқытушылар құрамы, инженерлік-техникалық және оқу-көмекші персоналдан құралады. Қазіргі уақытта әскери кафедрада 9 офицер жұмыс істеуде, олардың ішінде: 4 полковник және педагогикалық ғылымдар магистрлігінің дәрежесімен 3 адам.
Биылғы жылы кафедра тарихында алғаш рет 144 курсанттардың ішінде 28 қыздар әскери ант қабылдады. Құрлық әскерлерінде психологиялық жұмысты, идеологиялық және тәрбие жұмыстарын ұйымдастыру мамандықтары бойынша 2 жылдық білім алды. Соның ішінде взвод командирлері Карина Айтмагомбетова және Диана Жетпісбаева. Олар командирлік қасиеттерін танытады. Олардың қарамағында тек қана қыздар емес, жігіттер де бар. Курсанттар жауынгерлік және дене шынықтыру дайындықтарын жынысына қарамастан өтті. Талаптар және жүктеме барлығына бірдей. Бірақ нәзік жандылар жігіттермен бірдей кедергілерден өтіп, қару-жарақты бұзып-жинайды және көпкилометрлі марш-лақтырады, оқ атудан да жақсы нәтиже көрсетуде.
Карина Айтмагомбетова бала кезінен әскери мансапты армандайтын, енді бүгін өз мақсатына жақын.
-Мен бала кезімнен әскери қызметте жүруді армандағанмын, – дейді Карина. - әскери кафедраға түсер алдында қатты қобалжығаным есімде. Әскери кафедрадағы менің сүйікті сабағым әскери психология болды. Бүгін, әскери ант қабылдар алдында ерекше толқып тұрмын , арманыма жақындағаныма қатты қуаныштымын.
Жетпісбаева Диана әскери отбасында өскен. Оның әкесі, полковник шенінде Алматыда әскери құралымда қызметін атқарады, ал анасы Аягөз маңындағы әскери бөлімде жұмыс істейді.
-Мен үшін әскери ант қабылдау – құрметті және лайықты, өйткені менің ата-анам әскери адамдар. Мен олардың жолыннан қадам басып келемін. Болашақта әскери психолог боламын,- дейді Диана Жетписбаева.
Курсанттарды ерекше күнмен Ғылым және инновациялар жөніндегі проректордың м.а Евгений Кендюх және отставкадағы полковник Генадий Щеглов құттықтап, жылы лебіздерін білдірді. Түлектерді қолдауға ата-аналары мен жора жолдастары да жиналған. Шара соңында курсанттар патриотты әндер шырқап, саппен тізіліп жүріп өтті.