19.10.2017ж. күні Тіл және әдениет институты «Қазақ тілі» кафедрасының ұйымдастыруымен М.Қозыбаев атындағы СҚМУ-дың 80 жылдығына арналған «Қазақстанның латын әліпбиіне көшуі – заман талабы» атты ашық алаң болып өтті. Жиынға қазақ тілі кафедрасының меңгерушісі, п.ғ.к. доцент Т.Ә. Ахметова және кафедра оқытушылары, сондай-ақ, кафедраның әлеуметтік әріптестері: №1 орта мектептің қазақ тілі мұғалімі К.Ө.Тоқжанова, «М.Жұмабаев атындағы гуманитарлық колледжі» КМҚК қазақ тілінің оқытушысы А.Қ.Қасенова, №21 орта мектептің қазақ тілі мұғалімі Б.Ш.Кургунбаева, №8 орта мектептің қазақ тілі мұғалімі Ә.И.Бекбулатова, ИЯ-17 топтың студенттері қатысты. Ашық алаңның күн тәртібі ретінде әрқайсысы өз кезегінде маңызды болып табылатын бірнеше сұрақ ұсынылды. Отырысқа қатысушылар аталмыш мәселе бойыша өз пікірлерін білдіріп қана қоймай, сол бойынша өздеріне қажетті жаңа да қызықты ақпараттар ала алды.
Жиын соңында «Қазақ тілі» кафедрасының меңгерушісі, п.ғ.к., доцент Татьяна Әлімжанқызы Ахметова кафедраның әлеуметтік серіктес оқу орындарынан келген қазақ тілінің мұғалімдеріне алғысын білдіре отырып, оларға ашық алаңның жұмысы барысында белсенділік танытқандығы үшін сертификаттар табыстады.