2017 жылғы қазанның 26-сы «Бастауыш оқытудың педагогикасы мен әдістемесі» мамандығының 4 курс студенттері «Бастапқы және мектепке дейінгі білім берудің теориясы мен әдістемесі» кафедрасының аға оқытушысы Н.Т. Уалиевамен бірге химия-биология бағытындағы Петропавл қаласының Назарбаев зияткерлік мектебінде ұйымдастырылған «Бастапқы білім берудегі оқу үрдісін жоспарлауда мұғалімнің кәсіби құзыреттілігін дамыту» тақырыбында Республикалық Work Shop STI іс-шарасына қатысты.
Іс шарада студенттер жаңартылған мазмұндағы білім беру жағдайында оқу үрдісін жоспарлаудың жаңа тәсілдері, бастауыш сыныптардағы сабақтарда нәтижелі әдіс-тәсілдер мен стратегиялар, формативті және суммативті бағалау әдісітері туралы ақпарат алды. Белсенді қатысқандары үшін оларға растаушы сертификаттар берілді.