М. Қозыбаев атындағы СҚМУ базасында Қазақстан Республикасы білім және ғылым министрлігі «Болашақ» қауымдастығымен бірлесе ұйымдастырған «Startup Bolashak: Менің арманым» атты байқауының 3-ші маусымының аймақтық іріктеу кезеңі өтті. «Болашақ» қауымдастығы жаңа бастап жатқан кәсіпкерлерге арналған республикалық стартап-жобалар байқауын бастады. Оның мақсаты жас қазақстандықтардың кәсіпкерлік бастамаларын кеңінен қолдау болып табылады. Салтанатты жиынды стратегия және халықаралық ынтымақтастық жөніндегі проректор Мұқатаев Айдос Ағдарбекұлы ашты.
Стартап-жобалар байқауы «Болашақ» қауымдастығының 3 грантын көздейді: I орын – 4 млн. теңге, II орын – 2 млн. теңге және ІІІ орын – 1 млн. теңге. Startup «Bolashak» байқауы екі кезеңнен тұрады. Бірінші кезеңде қазылар алқасы 20 барынша қызықты бизнес-жобаларды таңдап, аталған идеялардың авторлары тренингтер мен білім беру семинарларын өткізбек. Және соңғы кезекте республикалық кезеңде облыс атынан бизнес жобаларын таныстыратын жеңімпаздарды таңдайды. Байқаудың аймақтық кезеңін ашу бағдарламасы өте қызықты өтті. Жобаның ұйымдастырушылары жақсы лебіз білдіріп, қатысушыларға сәттілік тіледі. Ашылу салтанатында ән орындалып, би де биленді.
Барлық жиналған қауым спикерлерді қолдады. Қатысушылар өз жобаларының сәттілігіне сенім білдірді. «Startup Bolashak:Менің арманым» атты байқауға студенттер мен магистранттармен қатар мектеп оқушылары да қатыспақ.
