Талапкерлерге Білім алушыларға Оқытушыларға Кафедра меңгерушілеріне Декандарға Электронды ректорат Documentolog Қаз Рус Eng
Жатақханаға орналасуға өтінім беру
"Манаш Қозыбаев атындағы
Солтүстік Қазақстан университеті"
коммерциялық емес акционерлік қоғамы
Үлкейтілген

ЖОО-да «ҚР-да сыбайлас жемқорлыққа қарсы заңнаманың қалыптасуының жиырма жылдығы» бірыңғай ақпараттық сағаты өткізілді

14 наурызда СҚМУ барлық факультеттерінде студенттер арасында «Қазақстан Республикасында сыбайлас жемқорлыққа қарсы заңнаманың қалыптасуының жиырма жылдығы» атты бірыңғай ақпараттық сағат өткізілді. Аталған іс-шараның спикерлері факультет декандары болды, олар Қазақстанның сыбайлас жемқорлыққа қарсы саясатының тарихы туралы айтып берді: еліміздің Тұңғыш Президенті Н.Назарбаев тәуелсіздік алған сәттен бастап маңызды басымдықтардың бірі ретінде сыбайлас жемқорлыққа қарсы шешуші күресті белгіледі: «Адамдар мен лауазымдарға қарамастан сыбайлас жемқорлықпен аяусыз күресу қажет».

Соның салдарынан, мемлекет Басшысының бастамасы бойынша 1998 жылғы шілдеде «Сыбайлас жемқорлыққа қарсы күрес туралы» ҚР Заңы қабылданды, ол посткеңестік кеңістіктегі осындай алғашқы заңнамалық актілердің бірі болды. Қазіргі уақытта елімізде сыбайлас жемқорлыққа қарсы іс-қимылдың ұлттық моделі қалыптасты.

Сөз сөйлеушілер сыбайлас жемқорлыққа қарсы іс-қимылдың ұлттық моделі келесі мақсаттарға қол жеткізу үшін реформаларға сүйенетіні туралы айтты:

  1. Кәсіби мемлекеттік аппарат;
  2. Заңның үстемдігі және құқықтық мемлекет;
  3. Мемлекеттік институттардың ашықтығы, транспаренттілігі мен есептілігі;
  4. Сервистік мемлекет

Осындай іс-шараларды өткізу қазақстандықтардың жас ұрпақтарында сыбайлас жемқорлыққа қарсы дүниетанымды, сыбайлас жемқорлықтың кез келген көріністеріне төзбеушілікті қалыптастырады.

14.03.2018
Яндекс.Метрика