Наурыз айының 15-ші жұлдызында М. Қозыбаев атындағы СҚМУ-ға Қызылжар ауданы Бескөл ауылынан №2 орта мектептің «Сардар» атты кадет класы әскери патриоттық тәрбие жұмыстарына келді. Айта кету керек бұндай класс облысымыздағы алғашқы ұйымдардың бірі. Олар әскери институтпен және біздің әскери кафедрамен тығыз қатынаста жұмыс жасамақ. Кездесуге Қызылжар ауданының білім басқармасының әдіскері Руслан Капаровта қатысты. Әскери кафедраның оқытушылары тактикалық әдістерді, қару жарақты пайдалану және т.б элементтерді толыққанды айтып берді. Болашақ ел қорғаушыларға әрбір элемент маңызды. Жас кадеттер мектеп жасынан әскери өмірдің қыр-сырын меңгере алуға әрбіреудің мүмкіндігі бола бермейтінін айтып кетті. Сонымен қатар Сардар кадет класы биыл сәуір айында Астана қаласында өтетін республикалық «Жылдамдық радиотелеграфия» атты іс-шараға қатыспақ. Әскери патриоттық тәрбие жұмыстарын жиі өткізудің өскелең ұрпаққа пайдасы мол. Бүгінде елімізде 2800 бала білім алып жатқан 101 кадеттік сынып ашылғанын атап өткен жөн. Кадеттік сынып тәрбиеленушілері әскери мамандықтың әліппесімен танысып, білім алады.
