М. Қозыбаев атындағы СҚМУ студенттері журналистика мамандығы бойынша X Республикалық пəн олимпиадасында

М. Қозыбаев атындағы СҚМУ «Журналистика» кафедрасының 3 курс студенттері наурыз айының 29-30 аралығында Е. Бөкетов атындағы ҚарМУ-да өтіп жатқан журналистика мамандығы бойынша X Республикалық пəн олимпиадасына қатысуда. Байқау басталмас бұрын университтетің мың бұралған бишілері өз өнерлерін ортаға салып, жүргізуші əділқазы алқасын таныстырды.

Олимпиада 3 кезеңнен тұрады. Алғашқы кезеңде 16 ЖОО өздерін таныстырып, үй тапсырмасы «Теледидар жəне дəуір» атты бейнероликты көрсетті. Екінші кезеңде қатысушылар берілген тақырыптарға эссе түрінде ой-толғам жазды. Үшінші кезең ­– журналистикаға қатысты төрт пəннен тест тапсыру. Қатысушылар 100 сұрақтан тұратын тестке жауап берді. 

Сонымен қатар олимпиада ұйымдастырушылары барлық қатысушыларды автобуспен қаланы аралатып, қызықты жерлермен таныстырды. Кейбірі тарихи орындарда суретке түсіп, қызықтап жатты. Кейін басты корпустағы университет мұражайына барып, түрлі археологиялық ескерткіштерді көріп, көп мəліметтер алды.