Солтүстік Қазақстан облысына жұмыс сапары барысында ҚР Парламентінің Мәжіліс депутаттары 3 сәуір университеттің профессорлық-оқытушылық құрамымен кездесу өткізді.
Кездесуді СҚМУ ректоры ашты. Серік Өмірбаев қонақтарға университеттің қызметі жайлы қысқаша ақпарат берді. Кездесу барысында президенттің бес әлеуметтік бастамасы талқыланды. Мәжілістің Заңнама және сот-құқықтық реформа комитетінің хатшысы Светлана Бычкова қатысушыларға алғашқы екі бастаманы баяндады. Қатысушылар арасында әрбір отбасы үшін, атап айтқанда, «7 - 20 - 25» бағдарламасы бойынша тұрғын үй сатып алудың жаңа мүмкіндіктері қызу талқыланды .
ҚР Парламент Мәжілісінің әлеуметтік-мәдени даму комитетінің мүшесі Жәмила Нұрманбетова, баяндамасында университетіміздің маңызды бағыттарының бірі – жоғарғы білімнің қолжетімділігі мен сапасын арттыру, және жатақханалардағы студенттердің тұрмыс жағдайын жақсарту мәселесіне тоқталды. Сондай-ақ кездесу барысында мемлекеттік жеке меншік серіктестік шеңберінде жатақханалар салу жоспарлары атап айтылды.
Баяндамалардан кейін қатысушылар сұрақтар мен ұсыныстарын білдірді. Өтініштер еліміздің газдандырылуына, жоғары оқу орындарының академиялық еркіндігі туралы заң жобасына, жоғары оқу орындарының базасында педагог кадрларды қайта даярлауға, және басқа да мәселелерге қатысты болды.
Кездесу бір жарым сағатқа созылды. Депутаттар барлық мәселелерді бақылауға алып, үкімет деңгейінде қарауға уәде берді.
