Биылғы жылдан бастап магистратураның білім беру бағдарламаларында өзгерістер болды. Онда міндетті түрде өтетін 10 күндік халықаралық стажировкалар енгізілді. Баратын орны мен уақытын зерттеу тақырыбына байланысты магистранттың өзі таңдайды. "Білім беру" саяхатын М.Қозыбаев атындағы СҚМУ-дың Академиялық ұтқырлық орталығы ұйымдастырады. Ағымдағы жылда 50-ден астам адам Ресей мен Қырғызстанда стажировкадан өтті.
Алмасу бағдарламалары бойынша біздің ЖОО-ға көршілес мемлекеттерден магистранттар келе алады. Биыл Ершов атындағы Ишим мемлекеттік педагогикалық университетінен (РФ) 13 адам келіп оқыды.
Осындай байланыстар көрші мемлекеттермен өз жалғасын әрі қарай тауып, магистранттар, студенттер мен оқытушыларға өз білімдерін жетілдіру және тәжірибе алмасуға мүмкіндік береді.