Биылғы жылдың 25 маусымы «БОТА» Қоғамы қорының білім беру гранттары Бағдарламасы Алматыда өз түлектерін құттықтау рәсімін ұйымдастырды.
Рәсімге бағдарлама түлектері, сонымен қатар, Қордың серіктестері: білім беру ұйымдары, IREX, Дүниежүзілік банкінің өкілдері қатысты. Рәсім Қ.И.Сәтбаев атындағы Қазақ ұлттық техникалық университетінің акт залында өтті.
Қазіргі кезде М.Қозыбаев атындағы Солтүстік Қазақстан мемлекеттік университетінде ББГБ ( білім беру гранттарының бағдарламасы) 7 стипендиаты оқиды. Ең алғашқы қабылдау 2009 жылы 1 стипендиадаттан басталды. 2010 жылы ББГБ-ның 3 стипендиаты М.Қозыбаев атындағы СҚМУ-ге түсті. 2012-2013 академиялық жылы 3 курс студенттері ББГБ стипендиаттары ретінде СҚМУ-да өз оқуын жалғастырды. 2013 жылы ең алғашқы стипендиат - Жуматаева Меруерт («География» мамандығы), 2014 жыл - алты стипендиат - Алимбаева Құралай, Бекмағамбетова Назгүл ( «Мемлекеттік және жергілікті басқару» мамандығы), Әлжанова Гүльжайнар («Әлеуметтік педагогика және өзін-өзі тану») , Арықова Ғалия, Мелихова Диана («Қазақ тілі мен әдебиеті» мамандығы), Сипеева Айнұр («Құқық және экономика негіздері» мамандығы).
Студенттер қоғамдық өмірге белсене қатысып, оқуда да жоғары нәтижелер көрсетуде. Барлық стипендиаттар – университет студенттері жоғары академиялық оқу үлгерімі және ағымдық академиялық жылды үздік көрсеткіштермен (Бекмағамбетова Н., Әлжанова Г.), жақсы көрсеткіштермен (Жұматаева М., Сипеева А., Әлімбаева К., Мелихова Д., Арықова Г.) аяқтады. Олардың көбі (Бекмағамбетова Н.) ғылыми конференциялаға қатысып, өз міндеттеріне үлкен жауапкершілікпен қарайды. Волонтерлер ретінде олар аз қамтамасыз етілген оқушыларға көмектеседі, ардагерлер үшін іс-шаралар ұйымдастырады және т.б.