Симпозиумның басты тақырыбы - Қазақстан мен Ресейдің шекаралас облыстарында туризмді дамыту. Кездесуді М. Қозыбаев атындағы СҚМУ ректоры ашты. Серік Өмірбаев көрермендерді құттықтап, университетте ғылымның дамуы туралы әңгімеледі. Өз баяндамасында ол Симпозиум ұйымдастырушыларының бірі – ҚР Тұңғыш Президенті - Елбасының Қорымен ынтымақтастыққа көп көңіл бөлді.
Симпозиумның тақырыбы өте өзекті, өйткені іс-шара 9 қарашада Петропавл қаласында екі мемлекет басшыларының қатысуымен өтетін форум аясында өткізіледі. Бұл тақырып жайында және өңірдегі туризм индустриясының дамуы туралы өз сөзінде облыс әкімінің орынбасары Мадияр Қожахмет айта кетті.
Ғылымды және жас ғалымдарды қолдау - қазіргі заманғы әлемдегі ұлттың дамуын анықтайтын факторлардың бірі. Сондықтан, іс-шараның маңызды міндеті - Қазақстанда туризм саласында зерттеулер жүргізетін мамандар қауымдастығының қалыптасуына ықпал ету болып табылады.
Симпозиум үш күнге созылды. Қатысушылар үшін Петропавл қаласы бойынша экскурсиясы, туризмнің экономикасы мен географиясы туралы пікірталас алаңдары, сондай-ақ өңіріміздің көрікті әрі үлкен аудандарының бірі - Айыртау ауданына бару жоспарланған.
