Қазақстан халқының Тілдер апталығы аясында "Практикалық қазақ тілі" кафедрасының оқытушылары Жуанышпаева С.Ж, Баекина Н.М. мен Ерсаинова А.Б. 21.09.18 ж. "Жүйріктен жүйрік озар жарысқанда" атты викторинаны өткізді. Викторина университетіміздің Ақпаратты-технология Ис-18 мамандығы мен Педагогика факультетінің Дф-18 мамандығының 1 курс студенттердін арасында өткізілді. Бұл сайыстың мақсаты: Елбасы бағдарлап берген межелерге жету жолдарын талқыға салу, мемлекеттік тілдің қолдану аясын кеңейту, мемлекеттік тілдің мәртебесі мен маңызын кеңінен насихаттау, өзге ұлт өкілдері арасында қазақ тілін білу деңгейін көтеру және оқып үйренуге деген ықыласы мен қызығушылықтарын арттыру. Студенттер бұл сабақта еліміздің тарихы, әдебиеті, дәстүрлері мен өнері туралы білімдерін көрсетіп, сайыстың барлық бөлімінде белсенділік танытты. Қорытынды нәтижесінде достық жеңді.
