2018 жылдың 22 қыркүйек күні Симпозиум қатысушыларына экономика және туризм география бағытында пікірталас алаңы ұйымдастырылды. Бұл алаңда ғалымдар теориялық және әдістемелік жұмыстары мен жаңа туристік нысандардың жобаларымен таныстырды.
Жексенбі күні, 23 қыркүйекте Симпозиумға қатысушылар Айыртау ауданында жұмыстарын жалғастырды. Қонақтарды көркем көлдің жағасында орналасқан «Чайка» балалар сауықтыру орталығында аудан әкімнің орынбасары Гүлмира Әбілқайырова қарсы алды. Ол жас ғалымдарды жергілікті табиғи объектілердің негізінде және тауға ұқсас рельефтер мен көлдер негізінде қалыптасқан туристік кластермен таныстырды. Туризмнің дамуы қысқа мерзімді болса да, сәтті екенін, алдағы уақыттағы дамудың негізгі бағыттарын айқындайтын аудандағы туризмнің өсуі туралы да айтып берді. Симпозиумның қатысушылары Айыртау жерінің үлкен әлеуетін көріп, көлдердің жағалауларын аралап, қарқынды дамып келе жатқан инфрақұрылыммен - керемет жолдармен, салынып жатқан жаңа санаторий мен емдеу мекемелерінің ғимараттарымен танысты.
Кейін Шоқан Уәлихановтың балалық шағы өткен, оның апасы Айғанымның үй-мұражайында экскурсия өтті. Қонақтарды «шашу» дәстүрімен ұлттық киімінде және ұлттық бимен бойжеткендер қарсы алды. Одан кейін, жас ғалымдар тарих және өлкетану мұражайына барып, көрнекті ғалымның өмірі туралы ғана емес, сондай-ақ аймақтың басқа да танымал тұлғалары, оның ішінде Қазақстан Республикасының Мемлекеттік Елтаңбасы мен Тәуелсіздік монументінің авторы Шота Уәлихановтың өмірі туралы экспозициясымен танысты.
