10 қыркүйек күні білім ордамыздың басшылығымен АҚШ елшілігінің делегациясының өкілдері кездесу өткізіп, ынтымақтастық мәселелерін талқылаған болатын. Серіктестіктің алғашқы нәтижесі Нью-Йорктегі ғалымның университетімізге оқытушы ретінде шақырылуы болды.
1 айдың ішінде Аврам Тепфер Тіл және Әдебиет институтының студенттеріне сабақ өткізуде. Ол біздің студенттердің дайындығына қанағаттанады. Сондай-ақ, оған қазақ халқының мәдениеті де ұнайды. Осы уақыт аралығында шетелдік оқытушы бірнеше іс-шараларға қатысқан, солардың бірі Қазақстан халықтарының тілдер апталығы. Ол студенттеріміздің әртүрлі тілдерде сөйлеп, ұлттық этникалық дәстүрлер мен әдет-ғұрыптарды көрсеткендеріне таңқалғанын мойындады.
Мүмкіндікті пайдаланып, университеттің тарих, экономика және құқық факультеті шетелдік оқытушыны студенттерге дәріс оқуға шақырды. 25 қыркүйек күні Аврам Тепфер экономикалық мамандықтардың студенттеріне «Негізгі құралдар» атты дәріс оқыды. Аврам, білім алушыларға Америкадағы зияткерлік меншік туралы және АҚШ-тағы ірі өнеркәсіптік компаниялардың жұмысы туралы айтып берді. Студенттер үшін әлемдегі «Boeing», «Apple», «Microsoft» және «Target» сауда желісі сияқты ірі компаниялар туралы ақпарат алу қызықты болды.
Айта кету керек, Аврам Тепфер біздің университетте 10 ай көлемінде жұмыс істейді. Яғни, М.Қозыбаев атындағы СҚМУ студенттерінде мықты шетелдік оқытушымен әңгімелесіп, ағылшын тілдерін арттыруға жақсы мүмкіндіктері бар.
