Жыл сайын қыркүйек айында еліміз Қазақстан халқының тілдер күнін тойлайды. Біздің республикамызда 130-дан астам ұлт өкілдері тұрады. Олардың әрқайсысының тілі өзінше әдемі және бірегей. 2018 жылдың 21 қыркүйегінде ТжӘИ-де ұйымдастырылған мерекеде Қазақстан халқының көптеген ұлттық шығармашылығын көруге мүмкін болды.
ТжӘИ директоры Елена Сабиеваның айтуынша, тілдер апталығының аясында студенттер үшін аудармашылар байқауы, эдвайзерлік сағаттар және тағы басқа да іс-шаралар өтті. «Бір отбасында» атты фестивалі тілдер апталығының қорытынды мейрамы болды.
Университет қабырғасында білім алып жүрген әртүрлі ұлт өкілдері қонақтарды қызықты бағдарламалармен қуантты . Шығармашылық арқылы олар әр халықтың ұлттық сипатын жеткізуге тырысты. Студенттік сахнаны ұлттық билер, әндер және әр түрлі тілдердегі тақпақтар безендірді.
Мерекеге қатысушылардың ойы бір жерден шықты. Себебі, достық, өзара түсіністік пен ынтымақтастық – егеменді Қазақстанның басты мақсаты. Сондықтан, бұндай іс-шаралардың өткізілуі, еліміздің барлық азаматтарының бірлігін көрсету қазіргі заманғы қоғамда маңызды.
