2018 жылдың 12-ші және 14-ші қыркүйек арасында Алматы қаласында ТМД қатысушы мемлекеттердің жастар Форумы өтті. Оған қатысуға еліміздің онтүстік өңіріне (Ресей, Беларусь, Армения, Әжербайжан, Өзбекстан және Қырғызстан) 6 елдің делегациясы, сондай-ақ, біздің елдің өкілдері де келді. Солтүстік Қазақстан облысынан университетіміздің «Журналистика» мамандығының 4 курс студенті, М.Қозыбаев атындағы СҚМУ Жастар ісі жөніндегі комитетінің төрағасы Богдан Петров қатысты.
Бұл өте ауқымды іс-шара болды, оның барысында жастар арасында туризмді дамыту, еріктілік, бизнес және әлеуметтік медиа тақырыптары көтерілді. Қызықты жобалар, керемет презентациялар, ықпалды спикерлер мен жоғары деңгейлі бағдарлама - барлық қатысушылардың естерінде қалуы сөзсіз. Делегаттар көп пайдалы ақпарат алды.
«Мен өзіме көп пайдалы мәлімет алдым және соларды біздің қаламызда жүзеге асыруды жоспарлап отырмын», - Богдан айтты.
Сондай-ақ, ағымдағы жылдың 9 қарашасында Петропавлда өтетін Қазақстан Республикасы мен Ресей Федерациясы Президенттерінің қатысуымен өтетін трансшекаралық ынтымақтастық форумы туралы да әңгімеледі.
Үш күн бойы қонақтарды Қазақстан Республикасы Әлеуметтік даму министрлігінің Жастар ісі және отбасы істері жөніндегі комитет төрағасы Асхат Раздыкұлы Оралов бастаған ұйымдастырушылар тобы қарсы алды.
Ресми бағдарламадан бөлек, Алматы қаласы мен оның төңірегіндегі 28 панфиловшылардың паркіне, Шымбұлақ шаңғы курортына , «Медеу» мұз айдынына және басқа да көрікті жерлерге экскурсия ұйымдастырылды.
Форум соңында Қазақстан Республикасының әлеуметтік даму министрі Дархан Қалетаевтың атынан кешкі ас берілді. Ұйымдастырушылар делегаттар үшін жарқын бағдарлама дайындап, еліміздің қонақтарын Қазақстан аумағында тұратын этникалық топтардың мәдениетімен таныстырды. Сондай-ақ, бұл кеште Форумның жұмысы қорытындыланды және қатысушыларға сертификаттар берілді.
Богдан Петров облыс және университетіміздің басшылығына, Солтүстік Қазақстан облысы әкімшілігінің Жастар саясаты басқармасына, аймақтық жастар ресурстық орталығына, сондай-ақ М.Қозыбаев атындағы СҚМУ Студенттік кәсіп одағына материалды қолдау үшін алғыс білдіреді.
