2018 жылдың 26 қыркүйек күні Манаш Қозыбаев атындағы СҚМУ-дың 1 акты залында Қазақстан халқы ассамблеясының бөлімінің мүшесі Бимаканова З.Ш. студенттерге «Қазақ этнонимі» тақырыбына байланысты дәріс өткізді. Іс-шараға СҚ облысының мұражайлар бірлестігінің «Асыл мұра» ғылыми-зерттеу орталығының маманы Сағындық Салмұрзин мен География және Экология кафедрасының аға-оқытушысы Ерлан Қоңырбаев қатысты.
Дәрістің басты мақсаты жиналған студенттерге қазақ мәдениетін, әдебиетін, салт-дәстүрін, негізгі құндылықтарын жете ұғындыра білу мен қатар «Ұлттық қауіпсіздік және Қазақстанның жалпы әлемдік және өңірлік проблемаларды шешуге жаһандық тұрғыдан қатысуы» болып табылады.
Жалпы халықтық «қазақ» атауының тарихы Қазақстанның батысы мен шығысын мекендеуші байырғы тайпалар тарихымен байланысты. Бұл тұста Қазақстанның оңтүстігі бәрінен гөрі Сырдария ауданы байланыстырушы өткелек территория болды. Міне, сондықтан да қазақтар этногенезі үшін бұл аудандардың материалдық мәдениетін зерттеудің ерекше мәні бар.
