2018 жылдың 27-ші қыркүйегінде М. Қозыбаев атындағы СҚМУ-дың әскери кафедрасына «Есту кемістігі бар балаларға арналған облыстық арнайы (түзету) мектеп-интернаты» КММ оқушыларына экскурсия өткізілді.
Әскери кафедрада оқушылар Қазақстан Республикасының болашақ офицерлерінің оқу үрдісі қалай ұйымдастырылғанын өз көздерімен көрді. Экскурсияны Жалпы әскери пәндер циклының бастығы, подполковник Николай Мулин жүргізді. Ол балаларға әскери кафедрада оқып жатқан студенттердің жұмыс күндері туралы айтып берді.
Кейін балалар оқу бөлмелерін, білім беру және материалдық ресурстар объектілерін қарастырды. Жалпы олар болашақ офицерлердің өмір сүру жағдайлары және ерекшеліктерімен танысты.
Экскурсияның соңында әскери қызметкерлер мен әскери кафедра қызметкерлері балаларға Қазақстан Республикасы қарулы күштерінің аксессуарларын және атрибуттарын сыйға тартты.
Балаларға арнап, осындай экскурсия жасағандары үшін арнайы мектеп интернатының ұстаздары М. Қозыбаев атындағы СҚМУ басшылығына, әскери кафедраның полковнигі Ш.Е.Әбжапбаровқа және әскери кафедраның ұжымына алғыстарын білдірді.
