2018 жылдың 4-ші қазанында М.Қозыбаев атындағы СҚМУ-да ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің СҚО бойынша дапартаментінің ұйымдастыруымен «Жас қызмет» мемекеттік қызмет мектебінің ашылу салтанаты өтті. Жобаның мақсаты азаматтық қызметтің оң имиджін қалыптастыру, жастарды патриоттық тәрбиелеу және мемлекеттік органдардың мамандарын тарту болып табылады.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің СҚО бойынша Департаментінің жетекшісі Елена Степаненко:
- «Қазіргі уақытта облысымызда мемлкеттік қызметкерлерінің аясында 300-ге жуық бос орындары бар. Бұл мектеп осы бос орынды толтыруға арналған. Былтырғы жылы СҚМУ-да бұндай жоба жүзеге асырылған болатын. Нәтижесінде, таңдап алынған лауазымдарда 10 түлек табысты жұмысқа орналасты. Алайда, бұл «Жас қызмет» мектебінің айырмашылығы, қатысушылар үшін тек теориялық сабақтар ғана емес (аптасына 3 рет 45 минуттан бірай бойы), сондай-ақ, психологиялық тренингтер, сынақ тестілеулеріде ұйымдастырылған. Студенттер практикалық тәжірибелерін мемлекеттік органдарда екі апта бойы өтетін болады (университеттегі негізгі сабақтарынан тыс). Студенттер заңнамалық базаны, этикалық кодексті үйренеді, лауазымды тұлғалардың жұмысының негізгі бағыттарымен танысады», - деп айта кетті.
Оқыту курстары ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің СҚО бойынша дапартаменті мен ҚР Президенті жанындағы Мемлекеттік басқару академиясының Солтүстік Қазақстан филиалының оқытушылары, сондай-ақ облыстық мемлекеттік органдардың қатысуымен өткізіледі.
Оқуды аяқтағаннан кейін, қатысушылырға, мемлекеттік қызметке тұрарда, қосымша құжат ретінде сертификат беріледі.
Университетімізден аталмыш жобаға 20 студент қатысуға ниет білдірді.
