Кездесуді М. Қозыбаев атындағы СҚМУ ректоры Серік Өмірбаев ашты. Ол жиналғандарды қарсы алып,университетіміздің қонақтарына сөз берді.
Мәулен Әшімбаев жастарға «Нұр Отан» партиясының қызметі мен Мемлекет басшысының «Қазақстандықтардың әл-ауқатының өсуі: табыс пен тұрмыс сапасын арттыру» Жолдауы аясындағы жас ұрпақтың алдында тұрған жаңа міндеттер туралы және Мемлекет басшысының бес әлеуметтік бастамасы туралы айтып берді. Олстуденттерді елде жүргізіліп жатқан барлық реформалардың алдыңғы қатарында болуына шақырды. Сондай-ақ, жаңа партиялық жобалар: IT-орталықтарын ашу, «English for Jastar» ағылшын тілі курстарын, кітапханалар мен мектеп асханаларын, балалар спорт алаңдарын қайта құру және т.б. жаңғыртулар туралы да айтылды.
Кейін сөз кезегі Солтүстік Қазақстан облысының әкімі Құмар Ақсақаловка берілді. Ол аймақтағы жастар саясатын жүзеге асыру туралы айтты. Яғни, университетіміздің студенттерінің оқулары мен тұрмыстық жағдайларын жақсарту мақсатында 2 жаңа жатақхана мен қазіргі заманғы оқу-зертханалық ғимараты салынады. Одан бөлек, ағымдағы жылы СҚО бюджетінен бірінші курс студенттеріне 75 грант бөлінді. Осы және басқа да көптеген шаралар мектеп және колледж түлектерінің 13% -ға кетуін азайтуға мүмкіндік берді.
«Серпін» бағдарламасы бойынша келген студенттерді қолдау туралы көп айтылды. Облыс басшысының айтуынша, жұп құрып, сәбилі болғандарға баспанамен қамтамасыз етіледі.
Кездесу барысында студенттер спикерлерге сұрақтар да қойды. РФ, Ямало-Ненецкий автономиялық округы, Вилькицкий аралында экспедицияда қатысқан Қасымхан Сапа мен Дүйсебек Сапарбай, елімізде экологиялық жобалар жүзеге асырылуы мүмкін ба екеніне қызығушылық танытты. Мәулен Әшімбаев пен Құмар Ақсақалов бұл ұсынысты қарастырамыз деп уәде берді.
Іс-шара жылы атмосферада өтті. Кездесудің соңында дәстүр бойынша қатысушылар естелік суретке түсті.
