Академиялық ұтқырлық қазақстандық жоғары оқу орындарын халықаралық білім кеңістігіне біріктірудің маңызды құрамдастарының бірі болды. Студенттер әртүрлі білімге ие болып, танылған шетелдік университеттерге қол жеткізіп, тілдер мен мәдениеттердің алуан түрлерін меңгере алады. Бұл туралы 2018 жылдың 16-шы қазанында М. Қозыбаев атындағы СҚМУ-дағы Академиялық ұтқырлық және көптілді білім департаментінің мамандары 1,2 және 3 курс студенттерімен кездесуде айтты.
Академиялық ұтқырлық бағдарламасы біздің университетте 2011-шы жылдан бері жұмыс істейді. Бүгінгі таңда 80-ге жуық Жоғарғы оқу орындарымен серіктестікте келісім жасалған. Білім және ғылым министрлігі бөлген гранттарының арқасында студенттер мен магистранттар бір семестр бойы әлемдік және Қазақстандық жоғары оқу орындарында оқуға мүмкіндік алады.
Мұндай білім беру сапары екі жолмен жүзеге асырылады– біріншіден, студент өзі ақы төлеп бара алады, екіншіден, Білім және ғылым министрлігінің грантын алу арқылы, оның ішіне тұрмысы, виза және медициналық сақтандыру шығындары кіреді.
Айта кету керек, Министрлік қаржыландыру тек Еуропа мен Америка Құрама Штаттарының университеттеріне баратын студенттерге бөлінеді.
Өзінің сезімдерімен «Азық-түлік өнімдерінің технологиясы» мамандығының магистранты Карина Туртаева бөлісті.Ол академиялық ұтқырлық аясында Елгава қаласы, Латвия ауыл шаруашылық университетінде бір семестрге оқуға барып келді.
Іс-шара барысында студенттер спикерлерге құжаттарды жинау үрдісі туралы сұрақтар қойды.
