Іс-шараның басында М. Қозыбаев атындағы СҚМУ ректоры Серік Өмірбаев қонақты университетімізбен таныстырып, жаңа 12 қабатты ғимарат пен екі жатақхана салу жоспарларын, жаңа мамандықтар мен факультеттердің ашылуы туралы, өткен оқу жылындағы жетістіктер туралы айтты.
Студенттермен кездесудің басты тақырыбы Елбасымыз Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы болды.
-Мемлекет басшысы бұл құжатта жастарға ерекше назар аударды. Нәтижесінде, елдегі барлық реформалар мен өзгерістер сіздерге арнайы бағытталған , - деді Талғат Қалиев.
Оның ақпараты бойынша, жастардың 30%-ы ғана мемлекеттік бағдарламаларда қатысады. Ол студенттерді бұндай іс-шараларда белсенді болуына шақырды.
Айта кету керек, «Жастар» ғылыми-зерттеу орталығы соңғы бес жылда мемлекеттік жастар саясатының тиімділігін арттыру саласында маңызды әлеуметтік жобаларды жүзеге асырып келеді. Сондықтан қазақстандықтардың жаңа буынының көңіл-күйі, проблемалары мен тенденциялары оларға белгілі.
Талғат Қалиев Елбастың халыққа үндеуінің негізгі бағыттарын түсіндіріп, студенттердің сұрақтарына жауап берді. Сұрақтар жас студенттік отбасыларға қолдау көрсету, археологиялық экспедицияларды ұйымдастыру, стипендияларды, жаңа жобалар мен басқа да тақырыптарды көтеру туралы болды.
