2018 жылдың 24-ші қазанында М. Қозыбаев атындағы СҚМУ-да әлемдік ареналарда киокушинкай каратэ жарысынан жүлделі орындарға ие болған университетіміздің спортшылары салтанатты түрде марапатталды.
«Дене шынықтыру және спорт» мамандығының 1 курс магистранты Бутенко Людмила – 2018 жылдың Еурапа чемпионы атанды.
6-7 қазанда Гётеборг қаласында (Швеция) киокушинкай каратэден XI Еуропа Ашық Чемпионаты өтті. Оған 16 елден 253 спортшы қатысты. Керемет нәтиже көрсеткен Людмила, ұлттық құрама қорына «алтын» жүлдені әкелді. Нәтижесінде, қазақстандық каратэшілер командалық есепте бірінші орынды иеленді!
Разумов Родион «Дене шынықтыру және спорт» мамандығының 1 курс студенті, білім ордамыздың мақтанышы. 13-14 қазанда Барнауыл қаласында (Ресей) киокушинкай каратэден XVII халықаралық турнирі өтті. Бұл жарыста жеңіске жеткен Родион – 2018 жылдың Евразия Кубогының иегері атанды.
Жеңімпаздарымызды шын жүректен құттықтаймыз!
